Ulttyq bank qandaı jaǵdaıda valıýtalyq ınterventsııa júrgizedi
Onyń aıtýynsha, naryqtaǵy qubylmaly jaǵdaı teńge baǵamyna áser etedi.
«Teńge qubylmalylyǵynyń artýy 2020 jyly buryn-sońdy bolmaǵan kútpegen ózgeris jaǵdaıynda syrtqy naryqtaǵy joǵary qubylmalylyqqa sáıkes keledi. Máselen, Vix qubylmalylyq ındeksiniń ortasha máni 2019 jylǵy 15,4%-dan aǵymdaǵy jyly 30%-ǵa deıin eki ese ósti. Munaı baǵasynyń ortasha kúndik qubylmalylyǵy 2019 jylǵy 2,1%-dan 2020 jyly 4,3%-ǵa deıin ósti»,– deıdi Álııa Moldabekova.
Teńgeniń qubylmalylyǵy ózgermeli aıyrbastaý baǵamynyń obektıvti saldary retinde baǵamnyń naryqtyq túzetilýin qamtamasyz etedi jáne ekonomıkada teńgerimsizdiktiń jınaqtalýyn barynsha azaıtady.
Teńge baǵamynyń álsireýinen ony ustap turý naqty aıyrbastaý baǵamynyń shamadan tys nyǵaıýyna jáne tıisinshe, otandyq ekonomıkanyń saýda áriptesteri aldyndaǵy básekege qabilettiligin joǵaltýǵa ákep soǵady.
Kerisinshe, ulttyq valıýtanyń nyǵaıýyna kedergi naqty aıyrbastaý baǵamynyń shamadan tys álsireýine jáne ınflıatsııalyq protsesterdiń ósýine ákep soǵady.
Negizdelgen qubylmalylyq qalypty jumys isteıtin valıýta naryǵynyń sıpattamasy bolyp tabylady jáne naryq qatysýshylarynyń tıimdi is-qımylyna yqpal etedi.
«Ulttyq bank aldaǵy ýaqytta da teńgeniń oryndy qubylmalylyǵyn shektemeıdi. Interventsııalar qarjylyq turaqtylyq úshin táýekelderdi shekteý jáne irgeli negizi joq aıyrbastaý baǵamynyń turaqsyzdandyratyn qysqa merzimdi aýytqýlaryn retteý maqsatynda ǵana júrgiziletin bolady»,– deıdi ulttyq bank ókili.
