Ulttyq bank ınflıatsııany tómendetý qadamdaryn atady
«Ulttyq banktiń baǵalaýy boıynsha joǵary syrtqy ınflıatsııalyq fondy eskere otyryp, usynys jaǵynan saqtalyp otyrǵan ishki teńgerimsizdikter, sondaı-aq jalǵasqan fıskaldyq yntalandyrý sharalary aıasynda ınflıatsııa 2021 jyldyń sońyna taman 6-7% dálizinde eskerilip otyr. Bıylǵy qyrkúıekte usynylatyn kezekti boljamdy raýndtyń qorytyndysy boıynsha ınflıatsııany baǵalaý naqtylanatyn bolady. Memleket basshysynyń shildedegi tapsyrmasyna sáıkes, Úkimetpen birlesip ınflıatsııaǵa qarsy den qoıý sharalarynyń toptamasyn iske asyrý jumysy belsendi túrde júrgizilip jatyr», - dedi E. Dosaev.
Onyń aıtýynsha, joǵaryda kórsetilgen sharalardy tabysty iske asyrý Áleýmettik-ekonomıkalyq damýdyń 2022-2026 jyldarǵa arnalǵan boljamyna sáıkes, ınflıatsııany 2022 jyly 4-6%-ǵa deıin, 2023-2024 jyldary 4-5%-ǵa deıin, 2025-2026 jyldary 3-4%-ǵa deıin tómendetýdiń qajetti sharty bolyp sanalady. Bul targetter Aqsha-kredıt saıasatynyń 2030 jylǵa deıingi strategııasyna sáıkes keledi.