Ulttyq bank ınflıatsııaǵa qatysty qarashadaǵy saýalnama nátıjelerin jarııalady

NUR-SULTAN. QazAqparat - 2021 jyldyń qarasha aıyndaǵy halyqtyń ınflıatsııalyq kútýi boıynsha Ulttyq banktiń Aqsha-kredıt saıasaty departamenti dırektorynyń orynbasary Denıs Chernıavskııdiń túsinik berdi, dep habarlaıdy QazAqparat UB saıtyna silteme jasap.

«2021 jylǵy qarashada aldaǵy jylǵa ınflıatsııalyq kútýlerdi sandyq baǵalaý ósti jáne 10,8%-dy (qazanda 10,3%) qurady. Respondentterdiń eń úlken úlesi aldaǵy 12 aıda baǵa ósiminiń jedeldeýin kútedi – 35% (qazanda 33%), bul halyqty zertteý tarıhyndaǵy eń joǵary mán boldy», - dedi Denıs Chernıavskıı.

Onyń aıtýynsha, qarashadaǵy saýalnama nátıjeleri ekinshi aı qatarynan ınflıatsııalyq kútýlerdiń sapalyq baǵalaýyndaǵy tarıhı ósimdi jańartý jalǵasyp jatqanyn kórsetti.

«Úı sharýashylyqtarynyń kópshiligi aldaǵy 12 aıda baǵanyń ósý qarqyny údeıdi dep kútedi. Búgingi ınflıatsııany qabyldaý, atap aıtqanda, azyq-túlik pen qýat kózderiniń qymbattaýyna baılanysty joǵary deńgeıde qalyp otyr. Respondentterdiń kópshiligi (74%) sońǵy 12 aıda baǵanyń qarqyndy óskenin atap ótti», - dedi.

Sarapshynyń pikirinshe, tutynýshylardyń kóńil-kúıi qarashada tómendegen.

«Sonymen qatar bolashaq tabystarǵa jáne jalpylaı alǵanda el ekonomıkasynyń damýynyń qysqa jáne uzaq merzimdi perspektıvalaryna degen úmittiń nasharlaýy jalǵasyn tapty. Shyǵyndar turǵysynan respondentterdiń kópshiligi áli de iri kólemdegi satyp alýlarǵa qatysty ustamdylyq tanytady: respondentterdiń tek 19%-y úlken shyǵyndarǵa daıyn. Respondentterdiń kópshiligi (qarashada 35%, qazanda 32%) qazirgi ýaqytty – jınaqtardy qalyptastyrý úshin qolaısyz dep baǵalady», - dedi Denıs Chernıavskıı.