Ulttyq bank erkin ınflıatsııany targetteý rejımin ustana bermek

NUR-SULTAN. QazAqparat – Ulttyq bank ózgermeli baǵam kezinde erkin ınflıatsııany targetteý rejımin ustana beredi. Bul týraly Úkimet otyrysynda atalǵan qardy uıymynyń tóraǵasy Ǵalymjan Pirmatov málim etti, dep habarlaıdy QazAqparat tilshisi.

«Saýda-sattyq qorytyndysy boıynsha teńge baǵamy bir dollar úshin 495 teńge 00 tıyn deńgeıinde qalyptasty. Saýda-sattyq kólemi 159,5 mln dollardy qurady. Qubylmalylyqtyń joǵarylaýyn eskere eskersek, QR Ulttyq bankiniń valıýta ınterventsııalary 98,1 mln dollar bolyp, saýda-sattyq kóleminiń 61,5%-yn qurady», - dedi Ulttyq bank basshysy.

Sondaı-aq ol Ulttyq bank naryqtardy qadaǵalap, jaǵdaı budan ári nasharlaǵan kezde qarjylyq jáne makroekonomıkalyq turaqtylyqty qamtamasyz etý úshin pármendi sharalar qabyldaýyn jalǵastyratynyn atady.

«Ulttyq bank naryqtyq baǵam belgileýge kedergi keltirmeı jáne belgili bir baǵam deńgeıiniń targettelýin boldyrmastan, erkin ózgermeli baǵam kezinde ınflıatsııalyq targetteý rejımin ustanýdy jalǵastyrady.

Bul rette, biz qarjylyq turaqtylyq úshin táýekelder kúsheıgen jaǵdaıda valıýtalyq ınterventsııalardy júrgizýdi jalǵastyramyz», -dedi Ǵalymjan Pirmatov.

Aıtýynsha, bank tarapynan qabyldanatyn sharalar kesheni teńgedegi aktıvterdiń tartymdylyǵyn saqtaýǵa, dollarlaný táýekelderin jáne aıyrbastaý baǵamyna qysymdy tómendetýge, sondaı-aq ınflıatsııanyń eleýli túrde ósý táýekelderin jeńildetýge baǵyttalǵan.