Ulttyq bank: Bıyl ınflıatsııanyń boljanǵan deńgeıden asyp ketý qaýpi bar

ASTANA. QazAqparat - Bıylǵy jyl sońyna deıin elimizdegi ınflıatsııa boljanǵan deńgeıden asyp ketý qaýpi bar. Búgin QR Premer-Mınıstri Baqytjan Saǵyntaevtyń jetekshiligimen ótken Úkimet otyrysynda QR Ulttyq bankiniń tóraǵasy Danııar Aqyshev osylaı málim etti.

«Ulttyq bank úshin negizgi ındıkator ınflıatsııa kórsetkishiniń 2016 jylǵa arnalǵan boljamy bolyp tabylady. Bul 6-8 paıyz dálizi aralyǵynda anyqtaldy. Jaz aılarynda ınflıatsııa Ulttyq banktiń kútilgeninen joǵary boldy. Osyǵan oraı, Ulttyq bank pen Úkimettiń 2016 jylǵa  belgilengen ınflıatsııa 6-8 paıyzynan asyp ketý qaýpi bar», - deıdi D. Aqyshev. 

Onyń aıtýynsha, Úkimet pen jergilikti atqarýshy organdar baǵa men tarıfterdiń ósip ketýine jol bermeý boıynsha sharalar keshenin iske asyrǵan jaǵdaıda 2016 jyly ınflıatsııa deńgeıin bekitilgen boljamǵa qol jetkizýge bolady. «Ulttyq bank óz tarapynan aqsha jáne valıýta naryqtarynda turaqtylyqty qamtamasyz etýge baǵyttalǵan aıqyn aqsha-kredıttik saıasatyn jalǵastyrýdy qamtamasyz etetin bolady», - dedi D. Aqyshev.