Ulttyq bank bazalyq stavkany 9,25 paıyz deńgeıinde qaldyrdy
«QR Ulttyq banki bazalyq stavkany +/-1% paıyzdyq stavka dálizimen 9,25 paıyz deńgeıinde saqtaý týraly sheshim qabyldady. Ótimdilikti usyný jáne alyp tastaý operatsııalary boıynsha stavkalar da tıisinshe 10,25% jáne 8,25% deńgeıinde qaldy», - dedi Ulttyq bank tóraǵasy Danııar Aqyshev BAQ úshin ótken brıfıng barysynda.
Ol óz sózinde qaıta qarjylandyrýdyń resmı stavkasy da 9,25 paıyz deńgeıinde qalǵanyn atap ótti.
«Bazalyq stavkany saqtap qalý týraly sheshimniń negizine Ulttyq banktiń boljamdy ınflıatsııa dınamıkasyna bergen baǵasy sebep bolyp otyr. Bazalyq stavka boıynsha ótken sheshimmen salystyrǵanda ol aıtarlyqtaı ózgerdi», - dedi Danııar Aqyshev.
Ulttyq bank tóraǵasy óz sózinde boljamdy sıpatta 2019 jyly jyldyq ınflıatsııa maqsatty 4-6 paıyzdyq deńgeıde saqtalatynyn atap ótti.
Onyń aıtýynsha, Ulttyq bank ınflıatsııanyń basym jaǵdaıda ınflıatsııa kelesi jyly 5-5,5% aralyǵynda bolatynyn boljap otyr.
«Bazalyq stavka boıynsha kelesi sheshim 2020 jyldyń sońyna qaraı ınflıatsııa deńgeıin 4 paıyzdyq deńgeıde saqtaý boıynsha maqsatqa qol jetkizilgennen keıin qabyldanatyn bolady», - dedi Ulttyq banktiń tóraǵasy.
