Ulttyq ulan áskerı tehnıkany sherýge daıyndap jatyr

ASTANA. KAZINFORM — ІІM Ulttyq ulany 2025 jylǵy 7 mamyrda Astanada ótetin Jeńis sherýine belsendi daıyndyq júrgizip jatyr. Ulandyqtar brondy kólikterge tehnıkalyq qyzmet kórsetip, áskerı tehnıkanyń korpýstaryn jańalap jatyr. Odan bólek dóńgelekterin qaralap, áskerı tehnıkanyń minsiz kórinýin qamtamasyz etýde. Bul týraly Ulttyq ulan baspasóz qyzmeti habarlady.

Ұлттық ұлан әскери техниканы шеруге  дайындап жатыр
Фото: Ұлттық ұлан

Sherýge Ulttyq ulannyń zamanaýı 17 brondy tehnıkasy, onyń ishinde «Barys» 6 × 6, «Alan-2», sondaı-aq «Cobra II» qatysady. Budan bólek qaýiptiligi joǵary aımaqtarda 17 adamǵa deıingi jeke quramdy tasymaldaýǵa qaýqary bar «Ýral VV» mashınasy usynylady.

— Oq ótkizbeıtin dóńgelekti brondy kólikter jeke quram men júkterdi tasymaldaýǵa, sondaı-aq qyzmettik-jaýyngerlik mindetterdi oryndaýǵa arnalǵan, — dep atap ótti brondy tank qyzmetiniń bastyǵy Arsen Shaımardanov.

Ulttyq ulan áskerı tehnıkany sherýge  daıyndap jatyr
Foto: Ulttyq ulan

Sherý kezinde tehnıkanyń úzdiksiz jumys isteýin qamtamasyz etý úshin jaýyngerlik mashınalardyń ekıpajdary, júrgizýshileri, tehnıkalyq mamandary jáne medıtsınalyq qamtamasyz etý toptary jumyldyrylǵan.

Ulttyq ulan áskerı tehnıkany sherýge  daıyndap jatyr
Foto: Ulttyq ulan

Aıta keteıik, Ulttyq ulannyń quramynda mehanıkalandyrylǵan kolonnadan basqa sherýge 400-den astam áskerıler qatysady. Onyń ishinde patrýldik-bekettik qyzmettiń áskerı qyzmetshilerinen jáne «Búrkit» arnaıy maqsattaǵy bólimshesiniń jaýyngerlerinen turatyn eki kolonnanyń sap túzep ótýi josparlanǵan. Sondaı-aq, Qazaqstannyń Kúsh qurylymdarynyń qurama orkestriniń sapyndaǵy quqyqtyq tártip áskerleriniń 30 áskerı qyzmetshisi Jeńis sherýin mýzykalyq súıemeldeıdi.

Ulttyq ulan áskerı tehnıkany sherýge  daıyndap jatyr
Foto: Ulttyq ulan

Bıyl Jeńis sherýine Qarýly Kúshteriniń, basqa da áskerleri men áskerı quralymdarynyń 4,5 myń áskerı qyzmetshisi qatysady. Alǵash ret Qazaqstan aýmaǵynda qurylǵan áskerı bólimder jaýyngerlik týlaryn saltanatty alyp ótedi. Sap túzegen kolonnalar áskerı jyldardaǵy kıim úlgisinde bolady.

Aıta ketelik ulandyqtar sý tasqynyna qarsy is-sharalarǵa belsendi qatysyp jatyr.

Сейчас читают