Ulttyq sport túrlerine qyzyǵýshylyq artyp keledi

ASTANA. KAZINFORM – 2024 jyldyń qorytyndysy boıynsha ulttyq sport túrlerimen turaqty túrde aınalysatyn qazaqstandyqtardyń sany 660 myńnan asty. Bul týraly Týrızm jáne sport mınıstrliginiń baspasóz qyzmeti habarlady.

Bul — elimizde dene shynyqtyrý jáne sportpen aınalysatyndardyń jalpy sanynyń 9,6%-yn quraıdy (2023 jyly — 619,2 myń adam nemese 8,7%). Jattyqtyrýshylar quramy 1781 mamandy qamtıdy, onyń ishinde 1004-i aýyldyq jerlerde jumys isteıdi.

2018–2024 jyldar aralyǵyndaǵy dınamıka:

* 2018 — 375 926 adam
* 2019 — 399 357 adam
* 2022 — 432 457 adam
* 2023 — 619 200 adam
* 2024 — 660 000-nan astam adam

Eń tanymal sport túrleri:

* qazaqsha kúres,
* toǵyzqumalaq,
* asyq atý,
* kókpar,
* báıge,
* teńge ilý,
* jamby atý,
* aýdaryspaq,
* qusbegilik,
* dástúrli sadaq atý,
* jekpe-jek jáne basqa da túrler.

Ulttyq sport túrlerin damytý maqsatynda óńirlerde 15 balalar-jasóspirimder sport mektebi men 17 mamandandyrylǵan klýb jumys isteıdi. Qazaqstanda jyl saıyn ulttyq sport túrleri boıynsha 1000-nan astam jarys ótedi.

Aıta ketelik ulttyq sport túrleri qalaı qalyptasqany týraly jazǵan edik.