Ulttyq quryltaıdyń quramy ózgerdi

ASTANA. KAZINFORM – Ulttyq quryltaı jumysyna jańa qoǵam ókilderi tartyldy. Bul týraly Aqorda habarlady.

Jańa quramda:

— Qazaqstannyń Eńbek Eri, Qyzylorda oblystyq qoǵamdyq keńesiniń múshesi Imamzada Shaǵyrtaev; 

— Qazaqstan kásipkerleriniń quqyǵyn qorǵaý jónindegi ýákil Qanat Nurov; 

— Pavlodar oblystyq qoǵamdyq keńesiniń múshesi Baqyt Bekseıitova;

— Matematık, Qazaqstan Respýblıkasy Prezıdentiniń janyndaǵy Ulttyq ǵylym akademııasynyń akademıgi Durvýdhan Suraǵan bar.

Sondaı-aq rotatsııa aıasynda Ulttyq quryltaı quramynan L. Tarakov (qaıtys bolýyna baılanysty), B. Qanıev, Q. Bısenov, A. Orynbek, S. Sádvaqasov jáne M. Jabaǵın shyǵaryldy.

Aıta keteıik, bıyl ótken ulttyq quryltaıda Prezıdent memlekettik organdarǵa 54 tapsyrma júktedi. 

Eske salaıyq, 1 sáýirde Memleket basshysy Ulttyq quryltaıda kóterilgen bastamalardy júzege asyrý týraly josparǵa qol qoıdy.