«Ulttyq qor – balalarǵa» baǵdarlamasy aıasynda nysanaly jınaqtardy qalaı paıdalanýǵa bolady
ASTANA. KAZINFORM – Biryńǵaı jınaqtaýshy zeınetaqy qory «Ulttyq qor – balalarǵa» baǵdarlamasy aıasynda nysanaly jınaqtardy qalaı paıdalanýǵa boltyndyǵyn ret-retimen túsindirdi.
«Ulttyq qor – balalarǵa» baǵdarlamasyna sáıkes, Qazaqstan Respýblıkasy Ulttyq qorynyń ınvestıtsııalyq kirisiniń 50 paıyzy jylyna bir ret 2006 jyly jáne odan keıin týǵan Qazaqstan Respýblıkasynyń azamaty bolyp esepteletin balalarǵa teńdeı etip bólinedi. 2024 jylǵy aqpan aıynda 2023 jyldyń qorytyndysy boıynsha barlyq balalar úshin BJZQ-ǵa alǵashqy nysanaly talaptar esepteldi. Al 18 jasqa 2024 jyly tolǵan azamattardyń nysanaly jınaqtaý shottaryna (NJSh) nysanaly jınaqtar (NJ) esepteldi jáne tólemder júzege asyryla bastady.
NJ turǵyn úı jaǵdaılaryn jaqsartý jáne/nemese bilim alýǵa aqy tóleý maqsatynda paıdalaný tártibi:
- Qazaqstan Respýblıkasy Úkimetiniń 2024 jylǵy 18 qańtardaǵy № 16 qaýlysymen,
- «Qazaqstan Respýblıkasynyń zańnamasyna sáıkes turǵyn úı jaǵdaılaryn jaqsartý maqsatynda Biryńǵaı jınaqtaýshy zeınetaqy qorynan nysanaly jınaq tólemderin paıdalaný qaǵıdalaryn bekitý týraly» Qazaqstan Respýblıkasy Ónerkásip jáne qurylys mınıstriniń 2024 jylǵy 26 aqpandaǵy № 76 buıryǵymen jáne
- Qazaqstan Respýblıkasy Ǵylym jáne joǵary bilim mınıstriniń 2024 jylǵy 7 aqpandaǵy № 51 jáne Qazaqstan Respýblıkasy Oqý-aǵartý mınıstriniń 2024 jylǵy 12 aqpandaǵy № 29 «Qazaqstan Respýblıkasynyń zańnamasyna sáıkes bilim berý aqysyn tóleý maqsatynda Biryńǵaı jınaqtaýshy zeınetaqy qorynan nysanaly jınaq tólemderin paıdalaný qaǵıdalaryn bekitý týraly» birlesken buıryǵymen aıqyndalǵan.
Qadamdyq áreketter algorıtmin bylaı usynýǵa bolady:
- 18 jasqa tolǵan bala (NJ alýshy) ne onyń zańdy ókili nysanaly jınaqtardy enpf.kz saıtyndaǵy, BJZQ uıaly qosymshasyndaǵy jeke kabınette nemese egov.kz portaly arqyly óz betinshe teksere alady.
- NJ alýshy (ne onyń zańdy ókili) NJ alýshynyń atyna AQSh dollarymen banktik shot ashatyn ýákiletti operatorǵa (ÝO) ınternet-resýrs arqyly NJ tólemin alýǵa onlaın-ótinish beredi.
- ÝO tólemge ótinishti qarap, maquldaǵannan keıin 2 jumys kúni ishinde BJZQ-ǵa tólemge ótinish tirkelgeni týraly elektrondyq habarlama jiberedi.
- BJZQ ÝO-dan elektrondyq habarlamany alǵan kúnnen bastap 5 jumys kúni ishinde oǵan ótinishte kórsetilgen NJ tóleminiń somasyn keıinnen NJ alýshynyń ÝO-da ashqan AQSh dollaryndaǵy bank shotyna esepteý úshin aýdarady ne sebebin kórsete otyryp, bas tartatyndyǵy týraly habarlaıdy.
- NJ alýshysy nemese onyń zańdy ókili NJ somasy bank shotyna túsken kúnnen bastap 45 jumys kúni ishinde ÝO-ǵa NJ tólemderiniń nysanaly paıdalanylýyn rastaıtyn qujattardy usynady.
- ÝO NJ alýshy qujattardy usynǵan kúnnen bastap 10 jumys kúni ishinde olardy tekseredi jáne NJ tólemderin olardyń nysanaly maqsaty boıynsha aýdarady.
- NJ alýshy (nemese onyń zańdy ókili) qujattardy 45 jumys kúni ishinde usynbaǵan jaǵdaıda, ÝO-daǵy NJ tóleminiń somasy BJZQ-ǵa qaıtarylady.
«Baǵdarlamany iske asyrýdyń 7 aıynda, ıaǵnı 2024 jylǵy 1 tamyzdaǵy jaǵdaı boıynsha «BJZQ» AQ jalpy somasy 1,7 mln AQSh dollaryna 16 891 ótinish oryndady (ótinish berýshilerdiń banktik shottaryna esepteý úshin ýákiletti operatorlarǵa aýdaryldy). Onyń ishinde turǵyn úı jaǵdaılaryn jaqsartý maqsatynda 956,7 myń AQSh dollaryna jýyq somaǵa 9 544 ótinish, bilim berý aqysyn tóleý úshin 736,9 myń AQSh dollaryna jýyq somaǵa 7 347 ótinish oryndaldy. Bul rette nysanaly jınaqtardy alýshy barlyq somany nemese onyń bir bóligin paıdalanýǵa quqyly, paıdalanylmaǵan somanyń qaldyǵy nysanaly jınaqtaý shotynda (NJSh) qalady»,- dep atap ótedi zeınetaqy qorynan.
Turǵyn úıdi jaqsartýǵa arnalǵan qarajatty paıdalanýdyń eń tanymal qosalqy maqsattary: odan ári jınaqtaý úshin turǵyn úı qurylys jınaq salymyndaǵy aqshasyn tolyqtyrý (921,2 myń AQSh dollaryna jýyq somaǵa 9 189 ótinish), azamattyq-quqyqtyq mámileler boıynsha menshikke turǵyn úı satyp alý (túpkilikti esep aıyrysý) – 11,5 myń AQSh dollarynan astam somaǵa 115 ótinish, turǵyn úı satyp alýǵa ıpotekalyq turǵyn úı qaryzyn alý úshin 9,9 myń AQSh dollary somasyna 99 ótinish oryndaldy.
Bilim berý aqysyn tóleý aıasyndaǵy eń tanymal qosalqy maqsattar:
- Qazaqstan Respýblıkasynyń aýmaǵynda ornalasqan bilim berý uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde bir mezgilde (búkil oqý merzimi úshin) aqy tóleý (590,1 myń AQSh dollarynan astam somaǵa 5 884 ótinish oryndaldy),
- bilim berý jınaqtaý salymy týraly shart boıynsha bilim berý jınaqtaý salymyn tolyqtyrý (108,2 myń AQSh dollaryna jýyq somaǵa 1 078 ótinish,),
- sheteldik bilim berý uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleý (30,1 myń AQSh dollarynan astam somaǵa 301 ótinish).
