Ulttyq bank Jeńistiń 80 jyldyǵyna arnap nomınaly 1 000 teńgelik banknota shyǵardy
ASTANA. KAZINFORM — Nomınaly 1 000 teńgelik mereıtoılyq banknota aınalymǵa shyqty. Bul týraly Ulttyq banktiń baspasóz qyzmeti málim etti.
— Qazaqstan Ulttyq Banki Jeńistiń 80 jyldyǵyna arnap nomınaly 1 000 teńgelik mereıtoılyq banknotany aınalymǵa shyǵarady. Banknotalardyń taralymy 5 mıllıon danamen shektelgen, — delingen habarlamada.
9 mamyr — búkil álem úshin aıtýly kún. Qazaqstan Jeńiske qomaqty úles qosty. Respýblıkadan 1,2 mıllıonǵa jýyq adam jumyldyryldy, bul sol kezdegi jalpy halyqtyń shamamen — 20%-y. Otandastarymyz jaıaý áskerde, tank bólimshelerinde, avıatsııa men flotta erlikpen shaıqasty. Qaharman otandastarymyzdyń erligine qurmet tanytý úshin Ulttyq Bank ulttyq valıýtada mereıtoılyq banknotany aınalymǵa shyǵarǵaly otyr.
Mereıtoılyq banknotanyń dızaıny týraly
Banknotalardyń túsi — qońyr-sarǵylt.
Aldyńǵy betinde:
— Dańq memorıaly beınelengen, Otan úshin jan qıǵan batyrlarǵa kórsetilgen qurmet belgisi — 28 gvardııashy-panfılovshylar atyndaǵy saıabaqta ornalasqan.
— Mıkro-optıkalyq qorǵanys jolaǵy. Banknota buryshyn ózgertken kezde jolaqta tereńdiktiń, kólemniń jáne jyltyrdyń úsh ólshemdi áseri, sondaı-aq máńgilik alaý men ushyp bara jatqan tyrnalar kórinedi. Tyrnalar sılýeti — jaqsylyq pen úmittiń beınesi — ómirdi sýretteıdi.
Ekinshi betinde:
— tarıhı muraǵattyq fotosýretterdiń úzindilerimen Qazaqstan kartasy beınelengen. Sýretterdi www.kfdz.kz Qazaqstan Respýblıkasy Mádenıet jáne aqparat mınıstrligi Arhıv, qujattama jáne kitap komıtetiniń «Ortalyq memlekettik kıno-foto qujattar jáne dybys jazbalary arhıvi» RMM usyndy.
— erlik, tabandylyq pen batyrlyqtyń sımvoly retinde Otan soǵysy ordeni beınelengen.
Nomınaly 1 000 teńgelik mereıtoılyq banknota óz qunyna saı Qazaqstan Respýblıkasynyń búkil aýmaǵynda tólemniń barlyq túri boıynsha qabyldanýǵa jatady. Sondaı-aq banktik shotqa salýǵa, Qazaqstan Respýblıkasynyń barlyq bankinde aýdarýǵa jáne usaqtalýǵa mindetti.
Buǵan deıin habarlanǵandaı, altyn quımalar endi kóne petroglıfter beınelengen dızaında shyǵa bastady.