Ulttar lıgasy: Qazaqstan áıelder quramasy eki oıyn ótkizedi

ASTANA. KAZINFORM - Fýtboldan Qazaqstan áıelder quramasy UEFA Ulttar lıgasyndaǵy oıyndaryn jalǵastyrady.

Қазақстан әйелдер құрамасы
Фото: Қазақстан футбол федерациясы

El quramasy S dıvızıony úshinshi tobynda synǵa túsip jatyr. Qarsylastary - Armenııa, Lıýksembýrg jáne Lıhtenshteın. 

Qazaqstandyq fýtbolshylar 4 sáýirde Lıhtenshteın quramasymen kezdesedi. Oıyn Eshen qalasyndaǵy «Shportpark Eshen-Maýre» stadıonynda ótedi.

Odan keıin el quramasy 8 sáýirde «Astana Arena» stadıonynda Armenııa quramasyn qabyldaıdy.

Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. 

Sońǵy eki kezdesýde olar 30 mamyrda óz alańynda Lıhtenshteındi qabyldasa, odan keıin 3 maýsymda Lıýksembýrgpen kezdesedi. 

Bul toptan alǵashqy eki orynǵa turaqtaǵan quramalar jarystyń kelesi satysyna joldama alady. Onda V dıvızıonyna joldama sarapqa salynady.

Eske salsaq, budan buryn fýtboldan Qazaqstan 19 jasqa deıin qyzdar quramasy 2025 jylǵy Eýropa chempıonaty irikteý kezeńinde alǵashqy oıynyn ótkizdi.

Сейчас читают