Ultaralyq alaýyzdyq týǵyzatyn 200-den astam materıal ınternetten óshirildi

ASTANA. QazAqparat – Internet-resýrs attarynyń saýalyna QR Premer-Mınıstri Álıhan Smaıylovtyń jaýabyndaı aıtylǵan, dep habarlaıdy QazAqparat tilshisi.

«Zańnama talaptarynyń saqtalýyn baqylaý aıasynda Aqparat jáne qoǵamdyq damý mınıstrligi separatıstik jáne ultaralyq alaýyzdyqty týǵyzatyn sózder men jarııalanymdardy anyqtaý jáne buǵattaý turǵysynda BAQ, ınternet-resýrstar men áleýmettik jelilerge turaqty negizde monıtorıng júrgizýde. Anyqtalǵan faktiler boıynsha ınternet-resýrs ıeleriniń atyna 231 eskertý haty jiberildi, 11 uıǵarym shyǵaryldy. Internet-resýrstardyń ıeleri 200-den astam zańsyz materıaldy óz betinshe alyp tastady», - dep atap ótedi Úkimet basshysy jaýabynda.

Aıta keteıik, Májilis depýtattary saýalda aqparattyq qaýipsizdikti qatań baqylap, ıaǵnı, áleýmettik jelilerge, kelýshilerdiń chattaryna kontent saraptama (Facebook, Tik-Tok, Telegram, Instagram, Vkontakte jáne basqa) men monıtorıng júrgizýdy usynǵan bolatyn.

Sonymen qatar ulttyq qaýipsizdikke qaýip tóndiretin jáne memleketimizdiń jer tutastyǵyna, táýelsizdigimizge kúmán keltiretin jazba avtorlaryn erekshe qadaǵalaýǵa alyp, ondaı iritki salýshylardy qatań jaýapkershilikke tartyp, elden shuǵyl alastaý qajet dep sanaıtynyn bildirgen edi.