Úlken jáne Kishi Almaty ózenderinde qar kóshkini júrýi múmkin

ALMATY. KAZINFORM – 13-15 naýryz kúnderi Úlken jáne Kishi Almaty ózenderinde qar kóshkini júrýi múmkin.

«2024 jyldyń 13-15 naýryz aralyǵynda Úlken jáne Kishi Almaty sý alaptarynda qatty jaýyn-shashynnyń kútilýine, qar jamylǵysynyń turaqsyzdyǵy men bıiktiginiń joǵary bolýyna baılanysty qar kóshkini júrýi múmkin»,- dep habarlady Qazgıdrometten.

Osyǵan oraı vedomstvo turǵyndardy qar basqan betkeılerge shyqpaýǵa, múmkindik bolsa taýǵa barmaýǵa shaqyrdy.