Ulytaýda shóp shabý naýqany aıaqtaldy

ASTANA. KAZINFORM — Ulytaýda shóp shabý naýqany aıaqtaldy. Bul týraly 24kz habarlady. 

Endigi mindet — orylǵan shópti jaýyn-shashynǵa qaldyrmaı tasyp alý. Arqada qazir kún raıyn berip tur. Osy qolaıly sátti tıimdi paıdalanyp qalýǵa tyrysqan sharýalar uzaqty kún qyzý tirlikke kirisken. Jalpy oblys boıynsha bıyl 550 myń tonna shóp daıyndaý josparlanǵan.

Ulytaý aýdany boıynsha 1260 qojalyq mal sharýashylyǵymen aınalysady. Olarǵa tıesili 3 mln gektar jaıylym jerdiń 33 myń gektary shabyndyq. Shildeniń ortasynda bastalǵan shóp orý naýqany tolyq aıaqtaldy. Qazir sharýalar ony tasýdyń qamyna kirisken.

Aýdandyq aýyl sharýashylyǵy bóliminiń bas mamany Qazybek Aldabergenniń aıtýynsha jumystyń 80% astamy oryndalǵan. 

— Bıylǵy jyly Ulytaý aýdany boıynsha 205 tonna shóp daıyndaý jospary bekitilgen. Qazirgi tańda 169 myń tonna shóp oryldy. Qazir endi shóp tabýǵa, orýǵa — barlyǵyna tehnıka saqadaı saı, jetkilikti. Eshqandaı toqtaý, kedergiler bolyp jatqan joq. Aýa raıy da óz yńǵaıyn berip tur, - deıdi ol.

Óńirde jaz jaıly bolǵanymen, qys qatal. Qar erte túsken jyldary iri qara 170 kún qolǵa qaraıdy. Byltyr qys ortasynda jaýǵan jańbyr da mal baqqan aǵaıynǵa sabaq boldy. Jylqy men qoı-eshki tebinnen qalyp, shópten tarshylyq kórdi. 

— Shóp naýqany aıaqtaldy. Kórshi-kólem shaýyp bitip jatyr endi. Bıyl ónim jaqsy. Tasyp aldyq ózimiz. Artyǵymen jınap aldyq, 40 tonnadaı. Іri fermelrlerden bólek, aýdan, aýyl ortalyqtarynda mal ustaıtyn turǵyndar bar. Olarǵa jemshóp daıyndaýǵa sharýa qojalyqtary járdem berip jatyr. Erlan Eleýsizov jetekshilik etetin «Beket» qojalyǵy shópti artyǵymen shaýyp, Ulytaý aýylynyń suranysyn jaýyp otyr, - sharýa qojalyǵynyń jetekshisi Muhtar Ordabaev.

Mamandardyń aıtýynsha, bıyl shóptiń 1,5 jyldyq qoryn jınap alǵan.

— Shóptiń shyǵymy jaqsy, jaman emes. Kópke bersin. Byltyr jaýynǵa qalyp, shóp qaraıyp ketti. Alla kúnin berip tur ǵoı. Tez úlgerip alaıyq dep jantalasyp jatqanbyz. Aýdannyń basyna halyqqa ǵoı endi, satamyz «tıýgin» myń teńgeden. Qalǵanyn ózimige túsirip alamyz. Bıyl oblys boıynsha 545 myń tonna shóp daıyndaý jospary qoıylǵan. Qazir onyń 75% oryndaldy. Shóp qansha bitik shyqqanymen, óńir sharýalary mal azyǵynyń 30%-in ózge óńirlerden satyp alady. Sebebi shabyndyq jer az. Sondyqtan sońǵy jyldary sýarmaly alqap kólemin ulǵaıtý jumystary bastaldy, - deıdi sharýa qojalyǵynyń jetekshisi Erlan Eleýsizov.