Ulytaý oblysynyń ákimi Dastan Ryspekov sý tasqynyna daıyndyq barysyn tekserdi
JEZQAZǴAN. KAZINFORM — Kóktemgi sý tasqynyna daıyndyq aıasynda Ulytaý oblysynyń ákimi Dastan Ryspekov sý basý qaýpi joǵary eldi mekenderdi aralap, júrgizilip jatqan jumystardy baqylap, jaýapty mekemelerge naqty tapsyrmalar berdi.
Tekserý barysynda ákim qabyldanyp jatqan sharalardyń tıimdiligine nazar aýdaryp, jumys qarqynyn arttyrýdy talap etti.
Aldymen, Jezdi ózeniniń 2 shaqyrymdyq aýmaǵynda júrgizilip jatqan sanatsııa jumystaryn kórdi. Ákim jaǵalaýlardy nyǵaıtýdy jáne sý ótkizý júıelerin retke keltirýdi mindettedi. Barlyq jumystar eki apta ishinde tolyq aıaqtalýy tıis.
Sonymen qatar Dastan Ryspekov «Jezqazǵan – Petropavlovsk» respýblıkalyq mańyzy bar avtojolynyń qazirgi jaǵdaıyn kórdi. Jezqazǵan – Ulytaý baǵytyndaǵy jóndeý jumystaryn jedeldetý júkteldi. Sondaı-aq Ulytaý oblysy boıynsha «QazAvtoJol» UK» AQ fılıalynyń basshylyǵyna joldardyń jaı-kúıin turaqty baqylaýda ustap, qar tazalaý jumystaryn kúsheıtý jóninde tapsyrma berildi.
Ákim Sheńber aýylyna baratyn jolmen júrip ótip, avtojoldyń jaǵdaıyn tekserdi. Qardan tolyq tazartylmaǵan jol ýchaskelerin qysqa merzimde retke keltirý jáne turǵyndar úshin qolaıly jaǵdaı jasaý tapsyryldy.
Qarakeńgir, Alǵabas, Malshybaı aýyldaryndaǵy kópirlerdiń tehnıkalyq jaǵdaıyn kórgen ákim anyqtalǵan aqaýlardy jedel joıý jáne sý ótkizý arnalary men drenaj júıelerin tazartý jumystaryn jedeldetýdi eskertti.
Atap óteıik, D. Ryspekov Ulytaý oblysynyń aýmaǵyndaǵy jol - Alǵabas aýylynan Qorǵaljyn aýdanyna deıingi jol jóndeý boıynsha JSQ daıyndaý tapsyrdy.
Atalǵan jumystardyń oryndalýy oblys ákiminiń jeke baqylaýyna alyndy. Eki apta ishinde qaıta tekserý júrgizilip, jumystardyń barysy baǵalanady.