Ulytaý oblysynda mal izdeýge shyǵyp, qaıtyp oralmaǵan adam tabyldy

ASTANA.KAZINFORM — Búgin Ulytaý oblysy Qarsaqbaı aýyldyq okrýgine qarasty Qamys-Ótkel qystaǵy mańynda joǵalyp ketken er adam tabyldy, dep habarlaıdy TJM.

1988 jyly týǵan qystaý qyzmetkeri 5 qańtar kúni tańǵy saǵat 9-da jylqysyn izdep shyǵyp, úıine oralmaǵan bolatyn.

Іzdestirý jumystaryna Ulytaý oblysy Tótenshe jaǵdaılar departamentiniń kúshteri jumyldyryldy.

— Nátıjesinde er adam Qamys-Ótkel qystaǵynan shamamen 15 shaqyrym qashyqtyqta, «Sholaq» kareri aýmaǵynan tabyldy. Onyń jaǵdaıy jaqsy, medıtsınalyq kómek qajet bolǵan joq, — delingen habarlamada.

Budan buryn Atyraýda joǵalǵan otbasy músheleriniń ekeýiniń denesi tabylǵanyn jazǵanbyz. Aýyl turǵyndarynyń aıtýynsha, úıdiń otaǵasy men áıeliniń denesin úı aýlasyndaǵy saraıǵa kómip tastaǵan.