Ulytaý oblysynda kóknár tuqymyn satqan 5 azamat sottaldy

JEZQAZǴAN. KAZINFORM – Ulytaý oblysynda kóknár tuqymyn zańsyz saqtap, satqan bes azamat uzaq merzimge bas bostandyǵynan aıyryldy, dep habarlaıdy prokýratýra.

- 2019-2025 jyldar aralyǵynda Jezqazǵan jáne Sátbaev qalalarynyń turǵyndary aldyn ala sóz baılasý arqyly iri kólemde esirtki zatyn – kóknár tuqymyn zańsyz saqtap, ótkizýge árekettengen, - dep jazdy baqylaýshy organnan.

Atalǵan derek boıynsha Ulytaý oblysy Polıtsııa departamenti Qylmystyq kodekstiń 297-baby 3-bóliginiń 1,2-tarmaqtary boıynsha tergeý júrgizip, isti sotqa joldady.

Jezqazǵan qalalyq sotynyń úkimimen sottalýshylarǵa 7 jyldan 9 jylǵa deıingi merzimge bas bostandyǵynan aıyrý jazasy taǵaıyndaldy.

Prokýratýra esirtkini zańsyz daıyndaý, saqtaý, tasymaldaý, ótkizý nemese jarnamalaý – aýyr qylmys bolyp sanalatynyn jáne qatań qylmystyq jaýapkershilikke ákelip soqtyratynyn eskertedi.

Aıta keteıik, bıyl 35 myńnan astam esirtki jarnamasy joıyldy.