Ulytaý oblysynda balalardy quldyqta ustaǵan áıel qamaýǵa alyndy

ASTANA. KAZINFORM – Ulytaý oblysynda balalardy qamqorlyǵyna ala turyp, birneshe jyl boıy quldyqta ustaǵan áıel quryqtalyp, qamaýǵa alyndy. Bul týraly Qazaqstandaǵy Bala quqyqtary jónindegi ýákil Dınara Zakıeva áleýmettik jelidegi paraqshasynda jarııalady.

«Ulytaýda balalardy quldyqqa alǵan áıel keshe júrgizilgen jumystyń nátıjesi boıynsha ustalyp, ýaqytsha ustaý ızolıatoryna qamaldy», — dep jazdy Dınara Zakıeva.

Eske sala keteıik, buǵan deıin Bala quqyqtary jónindegi ýákil Dınara Zakıeva Ulytaý oblysynda 5 jyl boıy fermada jumysqa jegilip, quldyqta bolǵan balalarǵa barǵany týraly habarlaǵan bolatynbyz.