Ulytaý oblysyna nelikten aıryqsha statýs berilmeı otyr

Ulytaý oblysynyń ákimi Berik Ábdiǵalıuly óńirge «ekologııalyq apat aldyndaǵy aımaq» statýsyn berý bastamasy qaı satyda ekenin aıtty, dep habarlaıdy Kazinform.

«Alǵashqy ulttyq quryltaıdyń aldynda Ulytaý oblysyna «Ekologııalyq apat aldyndaǵy aımaq» statýsyn berý týraly másele kóteretinińizdi aıtyp edińiz. Bul másele qashan sheshimin tabady?» dep surady jýrnalıst ortalyq kommýnıkatsııalar qyzmetinde ótken brıfıngide.

Berik Ábdiǵalıuly Úkimettiń aldyna ol bastamany qoıǵanyn atap ótti.

«Byltyr aıtqan sol jumys áli júrip jatyr. Úkimet «Dáleldeńder» dedi. Dáleldeý úshin qarajat bóldik. «Ekoservıs» degen kompanııa utyp alyp, sol qarjyǵa búkil oblystyń jerine, sýyna, aýasyna - bárine zertteý júrgizip jatyr. Onyń nátıjesi endigi jyly ǵana shyǵady. Sonyń qorytyndysy boıynsha ǵana óńir apatty ma, apatty emes pe degendi anyq aıta alamyz. Eger nátıjesi apatty dese, onda biz aıryqsha mártebe suraımyz. Apatty emes dese, negizdeme joq. Onsyz usynysyńyz negizsiz dep Úkimet qaıtaryp beredi», - dedi ákim.