Ulybrıtanııada jumyssyzdyq qaıtadan kúrt artty

ASTANA. KAZINFORM — Ulybrıtanııadaǵy jumyssyzdyq deńgeıi 5%-ǵa jetip, pandemııa kezindegi kórsetkishtermen teńesti, dep habarlaıdy Kazinform menshikti tilshisi. 

Ulybrıtanııanyń Ulttyq statıstıka basqarmasynyń málimetinshe, shilde men qyrkúıek aralyǵynda jumyssyzdar úlesi 4,7%-dan 5%-ǵa deıin ósti, shamamen 1,8 mln adam jumyssyz qaldy.

Londondaǵy jumyssyzdyq deńgeıi 6,5%-ǵa jetip, eldegi barlyq aımaqtar arasyndaǵy eń joǵary kórsetkishti kórsetti.

Sońǵy ret jumyssyzdyq deńgeıi 5%-ǵa 2020 jylǵy jeltoqsannan 2021 jylǵy aqpan aralyǵynda jetken bolatyn. Sol kezde ekonomıka lokdaýnnan keıin qalpyna kele bastaǵan edi. Shekteýler alynǵannan keıin kórsetkish jaqsarǵan, biraq keıin qaıta óse bastady.

Eske sala ketsek, karasha aıyndaǵy otyrystan keıin Anglııa banki ınflıatsııanyń turaqty túrde joǵary bolýyna baılanysty bazalyq paıyzdyq mólsherlemeni 4%-da saqtap qalǵan.