Ulybrıtanııada ókpe ragyna qarsy RNQ vaktsınasynyń synaǵy bastaldy

ASTANA. KAZINFORM – Ulybrıtanııada ókpeniń qaterli isigimen aýyratyn naýqasqa aýrýdy emdeý tásilin túbegeıli ózgerte alatyn jańa terapııa qoldanylyp kórdi. Atap aıtqanda, belgili bir patsıenttiń ımmýndyq júıesin qaterli isik jasýshalaryn joıý arqyly aýrýmen kúresýge úıretetin jeke vaktsına synnan ótkizildi, dep jazady VVS.

Vaktsına jumysynyń prıntsıpi AQSh-ta Covid-19 pandemııasy kezinde alǵash ret sátti synalǵan RNQ tehnologııasyna negizdelgen.

Kez kelgen preparattyń klınıkalyq synaqtarynyń birinshi kezeńi árqashan patsıentter úshin preparattyń qaýipsizdigin tekseredi. 67 jastaǵy ıAnýsh Rach jańa vaktsınany óz erkimen synaqtan ótkizýge kelisti.

Jalpy alǵanda, ıAnýsh Rach sııaqty 130 erikti jınaý josparlanǵan. Jeti eldiń aýmaǵynda 30-dan astam zertteý ortalyqtary baqylaý júrgizedi. Olardyń qatarynda London ýnıversıtetiniń kolledji (UCL) de bar.

Vaktsına patsıenttiń ımmýndyq júıesin naqty nemen kúresý kerektigin anyqtaıtyn ókpeniń qaterli isigi jasýshalarynan tabylǵan birneshe genetıkalyq markerler týraly aqparatty qamtıdy.