Ulybrıtanııada Qazaq ortalyǵy ashyldy
LONDON. KAZINFORM - Tumandy Albıonda Qazaqstan men Ulybrıtanııa arasyndaǵy mádenı-dostyq qarym-qatynasty nyǵaıtýǵa baǵyttalǵan Qazaq ortalyǵynyń ashylý saltanaty ótti. Ortalyq kórkem tilimiz ben ulttyq dástúrlerimizdi jergilikti jurtshylyqpen keńirek tanystyrýdy jáne sol eldegi qazaqtardyń basyn biriktirýdi maqsat etedi, dep habarlaıdy Kazinform agenttiginiń osy eldegi menshikti tilshisi Ǵalymjan Qaramanuly.
Ulybrıtanııadaǵy qazaqtardyń sany jyldan-jylǵa artyp keledi. Ozyq oqý oryndarynda bilim alyp jatqan stýdentter jáne jergilikti kompanııalarda ýaqytsha jumys isteıtin otandastarymyz kóp. Jyraqta júrse de, júregi týǵan jer dep soǵady. Qazaq ortalyǵy eń aldymen sol qazaqtardyń basyn biriktirýdi maqsat etip otyr.
«Jalǵyz Túrkııadan kelgen qazaq dıasporasy emes, Qytaıdan, Mońǵolııadan, Qazaqstannan, ártúrli maqsatpen kelgender bar. Osyjaqta 250-denastamqazaqqyzdarybar,olarbrıtanııalyqtarǵaturmysqashyqqan. Solardyń basyn qurap, qazaq mádenıetin, qazaq dástúrin, qazaq tarıhyn, qazaq jastaryna bolsyn, solarǵa úgittep jatyrmyz», - deıdi Ulybrıtanııadaǵy Qazaq ortalyǵynyń tóraǵasy Ismaıl Kesıjı.
Sheteldikterdiń qazaq mádenıeti men ónerine degen qyzyǵýshylyǵy zor. Dımash Qudaıbergenniń tanymaldylyǵy artqaly beri tipti kóbeıgen. Resmı tirkelgen jankúıerleriniń sany myń jarymnan asyp jyǵylady. Súıikti ánshisiniń ánderin túsiný úshin qazaq tilin úırenip júr. Búgingi is-sharada olar ultymyzdyń ádet-ǵuryptarymen tanysty.
«Qýanysh kezinde kámpıt shashatyn dástúr bar ekenin bildim. Budan bólek ulttyq aspap – dombyranyń únin estidim», - deıdi Ýorık ýnıversıtetiniń stýdenti, Túrkııa azamaty Han Aral.
«Qazaqtardyń qonaqjaılyǵy unady. Jaqyn tanymasa da, dastarqanǵa shaqyryp, qurmet kórsetip jatyr», - deıdi Ýorık ýnıversıtetiniń taǵy bir stýdenti, Pákistan azamaty Shahım Djaffrı.
Ortalyqtyń ashylýy Ýorık ýnıversıtetindegi qazaq jastarynyń balymen tuspa-tus keldi. Jyl saıyn ótkiziletin is-shara bıyl da Ulybrıtanııanyń túkpir-túkpirinde oqyp jatqan stýdentterdiń basyn qosty. Olar qazaq tilinde án shyrqap, bı bıledi.
«Bul is-sharany stýdentterdiń ózderi uıymdastyratyny qýantady. Olar bilim alyp qana qoımaı, kópshilikpen aralasyp, kókjıegin keńeıtedi. Elshilik mundaı bastamalardy árdaıym qoldap otyrýǵa daıyn», - deıdi Qazaqstannyń Ulybrıtanııadaǵy elshisi Maǵjan Іlııasov.
«Osy jylǵy baldy biz ulttyq naqyshta ótkizemiz dep sheshtik. Qazaqtyń salt-dástúrlerin, ádet-ǵuryptaryn pash etip kórsetý, kelesi urpaqqa dáripteý – árbirimizdiń mindetimiz. Mysalǵa, júzik, syrǵa delik nemese osyndaı shapandar kıip kelý kerek boldy», - deıdi qazaqstandyq stýdent Іńkár Nurádil.
Ortalyq qazaqstandyq daryndy jas mýzykanttardy Ulybrıtanııaǵa shaqyryp, ónerin nasıhattaý josparlanyp otyr. Budan bólek, otandyq kásipkerlerdiń ónimimen jergilikti halyqty tanystyrý da oılastyrylyp jatyr. Ortalyq qyzmetkerleri qazaqtyń bıleri men kıimderin trendke aınaldyrýdy maqsat etedi.
