Ulybrıtanııada 250 jyl buryn jazylǵan hattar ashyldy
18 ǵasyrda Ulybrıtanııa men Frantsııa arasyndaǵy jeti jyldyq soǵys kezinde frantsýz teńizshilerine jazylǵan, biraq adresattyń qolyna tımegen hattardy 250 jyldan astan ýaqyttan soń Kembrıdj ýnıversıtetiniń professory ashyp zerttedi. Kazinform agenttigi bul týraly Euronews-ke silteme jasap habarlaıdy.
Ondaǵan hatty kóbine er azamatynyń taǵdyrynan beıhabar áıeli men analary jibergen.
1758 jyly Bordodan Kvebekke júzip bara jatqan “Galateıa” kemesin brıtandyqtar basyp alady.
“Bul dıplomattardyń, aqsúıek nemese býrjýazııa ókilderiniń resmı hattary emes, bylaısha aıtqanda qarapaıym halyqtyń haty ekenin birden túsindim. Júregim tez soǵa bastady. Men munyń shynymen erekshe dúnıe ekenin birden uqtym. Bul - tarıhshy retinde osy ýaqytqa deıin basymnan ótkergen eń kúshti emotsııa”, - deıdi Kembrıdj ýnıversıtetiniń tarıh professory Reno More.
Hattar 18 ǵasyrdyń sońyndaǵy adamdardyń kúndelikti tirshiliginen syr shertedi.
Sonyń birinde anasy balasyna jańalyq joq dep renjise, ekinshisinde áıeli kúıeýine máńgilik adal bolýǵa ant berdi.
Hat joldaýshylardyń keıbiri jaqyndaryn kórmegen kúıi qaıtys bolǵan.
