Ulybrıtanııa janarmaı satýdy shekteı bastady
ASTANA. KAZINFORM — Taıaý Shyǵystaǵy qaqtyǵysqa baılanysty Ulybrıtanııada aýyl sharýashylyǵy tehnıkasy ıelerine janarmaı satýǵa shekteýler engizildi, dep habarlaıdy BELTA.
Anglııanyń Esseks graftyǵy men Shotlandııanyń keıbir aımaqtarynda kóterme jetkizýshiler fermerlerge qoljetimdi dızel otynynyń mólsherine shekteýler qoıǵan.
— Biz normalanǵan úlestirýdiń kýási bolyp otyrmyz. Kóterme jetkizýshiler múmkindiginshe kóp suranysty qanaǵattandyrý úshin tapsyrys kólemin qysqartýǵa májbúr boldy. Bir fermerge 10 myń lıtr jetkizýdiń ornyna, olar ár fermerge 2 myń lıtrden jetkizýge týra keledi, — dedi Anglia Farmers kompanııasynyń ókili Patrık Krehan.
Dúısenbi kúni Ulybrıtanııa premer-mınıstri Kır Starmer Qaýymdar palatasynyń (parlamenttiń tómengi palatasy) komıtet basshylarynyń suraqtaryna jaýap bere otyryp, Taıaý Shyǵysta jalǵasyp jatqan áskerı qımyldarǵa qaramastan, eldegi energııa resýrstarynyń jetkizilýine qatysty «asa alańdaýshylyq» sezinbeıtinin málimdedi.
Ol úkimet jospar qurý kezinde «qaqtyǵystyń belgili bir ýaqytqa sozylýy múmkindigin» eskeretinin atap ótti.
Eske salaıyq, Taıaý Shyǵystaǵy soǵystyń salqyny Slovenııaǵa da áser etip, elde janarmaıǵa shekteý engizildi.