Uly Jeńiske – 80 jyl: Erlikke taǵzym
ORAL. KAZINFORM - Bıyl adamzat tarıhyndaǵy eń surapyl qantógis – Ekinshi dúnıejúzilik soǵystyń aıaqtalǵanyna 80 jyl tolyp otyr.
9 mamyr – Jeńis kúni qarsańynda Batys Qazaqstan oblysynyń ákimi Narıman Tóreǵalıev Oral qalasyndaǵy «Jeńis» alańyna baryp, máńgilik alaýǵa gúl shoqtaryn qoıdy.
Taǵylymdy sharaǵa eńbek ardagerleri, quqyq qorǵaý organdarynyń qyzmetkerleri, zııaly qaýym ókilderi, qoǵamdyq uıym músheleri men jastar qatysty.
Jınalǵan qaýym ot pen oqtyń ortasynda Otan úshin janyn shúberekke túıip, erlik kórsetken batyrlardy únsiz eske alyp, gúl shoqtaryn qoıyp, taǵzym etti.
Gúl qoıý rásiminen soń, oblys ákimi Narıman Tóreǵalıev Oral qalasynda turatyn soǵys jáne tyl ardagerleriniń úılerine arnaıy baryp, Uly Jeńistiń 80 jyldyǵymen quttyqtady.
Ákim soǵys ardagerleri – Venıamın Skalenko men Ivan Gapıchke mereıtoılyq medal men Qazaqstan Respýblıkasynyń Prezıdenti Qasym-Jomart Kemeluly Toqaevtyń quttyqtaý hatyn tabys etti. Sonymen qatar, óńir basshysy tyl ardageri Aqbaı Jaısańǵa da qurmet kórsetip, Jeńis kúnimen jáne týǵan kúnimen quttyqtady.
Qazirgi tańda Batys Qazaqstan oblysynda Uly Otan soǵysynyń 9 ardageri ǵana qaldy. Olar – beıbit ómir men Táýelsizdiktiń jarqyn tańy úshin jan aıamaı kúresken erler. Er esimi – el esinde!
