16:36, 06 Qazan 2024 | GMT +6
Referendým: BQO-da Uly Otan soǵysynyń ardageri óz tańdaýyn jasady
ORAL. KAZINFORM – Batys Qazaqstan oblysynyń ortalyǵynda turatyn 100 jastaǵy Uly Otan soǵysynyń ardageri Skalenko Venıamın Pantellevıch oblys turǵyndarynan qalyspaı daýys berdi.
- Búgin bizder úshin mańyzdy kún. Bul kún elimizdiń bolashaǵyn aıqyndaıdy. Buǵan deıingi saılaýlardan da esh qalyp kórgen joqpyn. Menińshe, ár turǵyn mundaı jaýapty kezde beıjaılyq tanytpaýy tıis. Búgin urpaǵymyzdyń bolashaǵy úshin daýys berdim. Sol úshin oılanyp, saralap, ólshep, ekshep, el bolashaǵy úshin tańdaý jasadym, - deıdi ardager.
№447 ýchaskelik referendým komıssııasy tarapynan úıden daýys beretin maıdanger qartqa bıýlleten jetkizilip, daýys berýge múmkindik jasaldy. Óz kezeginde Uly Otan soǵysynyń ardageri batasyn berdi.
