Úlestik turǵyn úı salatyn kompanııalardyń reıtıngin engizý usynyldy
«Josyqsyz qurylys salýshylardyń úlestik turǵyn úı qurylysy salasyndaǵy zańnamany buzýy jeke problema bolyp tabylady. Ótken 2 jylda osyndaı 123 kompanııa anyqtaldy. Qarjylyq turaqsyz kompanııalar sapaly jáne arzan turǵyn úıge ýáde bere otyryp, ártúrli kooperatıvter, odaqtar, jarnalar arqyly halyqtyń salymdaryn ashyq túrde tartady. Sonymen qatar, bul jaǵdaıda qurylystyń aıaqtalýyna eshkim kepildik bermeıdi. Qoldanystaǵy eki tásildi ǵana saqtaý usynylady: kepildik berý tetigi jáne EDB arqyly jobalyq qarjylandyrý», - dedi holdıng basshysy.
Bul rette ol halyqtyń qarajatyn tartýǵa quqyly qurylys kompanııalarynyń qarapaıym jáne barlyǵyna túsinikti reıtıngin engizý qajettigin aıtady.
«Prıntsıp kelesideı - qarjylyq turǵydan ornyqty kompanııalar úshin kepildendirýdiń qoldanystaǵy tetigi saqtalady. Reıtıngi tómen kompanııalar úshin Biryńǵaı operator belgilengen baǵalar boıynsha halyqtan úlestik salymdardy tikeleı tartatyn jáne arnaıy eskroý-shottaǵy qarajattyń saqtalýyn qamtamasyz etetin bolady. Óz kezeginde kommertsııalyq bankter halyqqa salynyp jatqan turǵyn úıdi satyp alýǵa qosymsha kepilsiz ıpoteka bere alady», - dedi Aıdar Áriphanov.