«Ul múddesinen ult múddesi artyq bolýy kerek»-respýblıkalyq basylymdarǵa sholý
***
Búgin «Egemen Qazaqstan» gazetinde «Maqsatqa ortaq erik-jiger men umtylys jetkizedi» degen taqyryppen kólemdi materıal basyldy. Maqalada keshe Beıbitshilik jáne kelisim saraıynda Qazaqstan Respýblıkasy Parlamenti Senatynyń Tóraǵasy, Álemdik jáne dástúrli dinder lıderleri sezi Hatshylyǵynyń jetekshisi Qaırat Mámıdiń tóraǵalyq etýimen Álemdik jáne dástúrli dinder lıderleriniń sezi Hatshylyǵy otyrysynyń jumysy ári qaraı jalǵasqany, onda Álemdik jáne dástúrli dinder lıderleri ІV seziniń basty taqyryby, kún tártibi jáne ony ótkizýdiń pishini týraly másele qaralǵany týraly jazylǵan.
«Et eksportyn damytý baǵytynda ústimizdegi jyly Qazaqstanda 18 myń bas iri qara ustaýǵa negizdelgen bordaqylaý alańdary ashylý kerek. Búgingi kúni «QazAgro» holdıngi nesıe resýrstary esebinen 14 myń bas maldy bir mezette ustaýǵa bolatyn 4 bordaqylaý alańyn qarjylandyrý maquldanǵan. Olar Almaty jáne Aqmola oblystarynda ornalastyrylatyn bolady», - delingen "Egemen Qazaqstan" gazetiniń búgingi nómirinde jaryq kórgen «Etti mal sharýashylyǵyn damytý jaıy qaraldy» degen maqalada. Maqalaǵa Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda elimizdegi etti mal sharýashylyǵyn damytý týraly másele qaralǵany arqaý bolǵan.
***
«Nuralyqtar neden qorqyp otyr?». «Aıqyn» gazetinde osyndaı taqyryppen basylǵan materılda Qaraǵandy qalasyndaǵy bazarlarynda saryp aýrýyna shaldyqqan maldyń eti satylyp kelgeni, osyndaǵy ettiń sapasyn teksergen prokýrorlar osyndaı tujyrymǵa kelip otyrǵany aıtylady. «Oblysqa qarasty Nura aýdanynyń prokýrory Asylhan Ádilhanov aýdan aýmaǵyndaǵy aýylsharýashylyǵy jáne maldárigerlik bóliminiń jumysyn tekserý barysynda satýǵa soıylǵan maldardyń asa qaýipti juqpaly aýrý - sarypqa shaldyqqandyǵy anyqtalǵanyn aıtyp otyr. Et satyp, shashetekten paıdaǵa kenelýdi oılaǵan jergilikti pysyqaılar áldebireýler arqyly aýrý maldyń etin Qaraǵandy qalasyndaǵy bazarlarda emin-erkin saýdalap kelipti», - delingen maqalada.
Sondaı-aq «Aıqynda» Májilis tóraǵasy Oral Muhamedjanovtan alynǵan suhbat «Májilis zań shyǵarý arqyly jemqorlyqpen belsendi kúres júrgizdi» degen taqyryppen jarııalandy. Májilistiń qoǵamnyń jegi qurtyna aınalǵan sybaılas jemqorlyqpen kúrestegi róline qatysty suraqqa bergen jaýabynda Tóraǵa: «Májilis zań shyǵarý arqyly jemqorlyqpen belsendi kúres júrgizdi deı alamyn. Sebebi osy shaqyrylymda parlamentshiler jemqorlyqpen kúreske baǵyttalǵan 15 zańdy qabyldady, 3 konferentsııa men 9 dóńgelek ústel ótkizdi», -dep atap kórsetken. Suhbattyń tolyq nusqasyna nazar aýdaryńyz.
***
«Alash aınasy» gazetinde «Qyzyljar gerbindegi kilt Býratınoniki bolyp shyqty» degen taqyryppen maqala jaryq kórdi. «Qyzyljar qalasynyń gerbinde beınelengen kilt kóńilge kirbiń salyp tur. Shahar elimizdiń eń sheti, ıaǵnı soltústik qaqpasy ekenin bildiretin kilttiń krest beınesinde tańbalanýynda ne syr jatyr? Qazir memleketterdiń ǵana emes, ár qalanyń óz rámizderi bar ekeni belgili. Rámizge qarap-aq kóp nárseni ańǵarýǵa bolady. Al Qyzyljardyń gerbine kóz júgirtseńiz, qandaı oı túıerińizdi de bilmeısiz», - delingen maqalada.
Jazýshy, halyqaralyq «Alash» syılyǵynyń ıegeri Sofy Smatevtyń «Alash aınasy» gazetine bergen suhbaty «Ul múddesinen ult múddesi artyq bolýy kerek» degen taqyryppen basyldy. Suhbatta ádebıetten bastap, qazirgi qoǵamdaǵy birqatar ózekti máseleler tóńireginde áńgime órbigen. S. Smatavtyń pikirinshe, bizde shyn talantty erterek óltirip alyp, jylaǵan bolyp, ádilet pen shyndyq izdegen bolyp jabyla maqtaýymyz, jumyla joqtaýymyz bar. «Sózimizdi dáleldeý úshin Qasym Amanjolovtyń bıylǵy 100 jyldyq mereıtoıyn baspasóz ben basqa sózderde jarııalaýdyń jutańdyǵyn kóldeneń tartar edim. Qazaq úshin Qasym ádebıettiń bir ǵasyryndaı bolǵan alyby emes pe? Bıyl 80 jyldyǵy atap ótilmek Muqaǵalı da sol Qasymnyń jyrynan ot almap pa edi?! Endeshe eki arysqa, eki uly aqynǵa, eldiń eki ulyna birdeı qurmet kórsetsek, biz, shyn máninde, adaldyqtyń quly, ádilettiń joqtaýshysy bolar edik», - deıdi jazýshy.
