UQShU jańa bas hatshysy saılandy
«2017 jylǵy 2 mamyrdan bastap UQShU bas hatshysy bolyp ıÝrıı Hachatýrov taǵaıyndalǵany týraly sheshim biraýyzdan qabyldandy», - dep málimdedi jýrnalısterge UQShU bas hatshysynyń orynbasary, bas hatshynyń mindetin ýaqytsha atqarýshy Valerıı Semerıkov.
Burynǵy bas hatshy Nıkolaı Bordıýja UQShU Ujymdyq qaýipsizdik keńesiniń birinshi dárejeli belgisimen marapattaldy.
V. Semerıkov jabyq túrde ótken formaldy emes kezdesý qorytyndysy boıynsha UQShU-ǵa múshe memleketter basshylary ujymdyq qaýipsizdik óńirlerindegi syn-qaterler men qaýipterge qarsy is-qımyl boıynsha odan ári jumys boıynsha birqatar qosymsha nusqaýlar bergenin atap ótti.
Onyń aıtýynsha, UQShU Ujymdyq keńesiniń tóraǵasy Aleksandr Lýkashenko kirispe sózinde memleket basshylaryn tóraǵalyq kezeńinde Belarýs jarııalaǵan basymdyqtar týraly habardar etti.
Eske salsaq, Bishkekte «Ala-Archa» memlekettik rezıdentsııasynda Qyrǵyzstannyń tóraǵalyǵymen JEEK otyrysy ótýde. Kezdesýge Qazaqstan, Qyrǵyzstan, Armenııa, Belarýs, Reseı, Moldova prezıdentteri qatysty. Sodan keıin UQShU múshe memleket basshylarynyń formaldy emes kezdesýi ótti.
