UQShU elderi tótenshe jaǵdaılarda birlese áreket etýdi qarastyrmaq

ALMATY. QazAqparat - 2018 jylǵy 12 qyrkúıekte Almaty qalasynda QR Іshki ister mınıstriniń orynbasary ıÝ. Ilınniń tóraǵalyǵymen Ujymdyq qaýipsizdik týraly shart uıymyna múshe memleketterdiń tótenshe jaǵdaılar jónindegi úılestirý keńesiniń on birinshi otyrysy ótedi, dep habarlaıdy QR ІІM TJ komıtetiniń baspasóz qyzmeti.

Úılestirý keńesiniń otyrysyna Armenııa Respýblıkasy, Belarýs Respýblıkasy, Qyrǵyz Respýblıkasy, Reseı Federatsııasy TJ mınıstrlikteri jáne Qazaqstan Respýblıkasy ІІM basshylyǵy men ókilderi,Tájikstan Respýblıkasy Úkimetiniń janyndaǵy Tótenshe jaǵdaılar jáne azamattyq qorǵanys komıtetiniń, UQShU hatshylyǵynyń ókilderi qatysady.

Otyrysta tótenshe jaǵdaılarda zardap shekken adamdarǵa kómek kórsetý kezinde halyqaralyq uıymdardyń áleýetin paıdalaný, tótenshe jaǵdaılardyń aldyn alý jáne olardy joıý salasyndaǵy ýákiletti organdardyń bólimshelerimen taktıkalyq-arnaıy oqý-jattyǵý ótkizý máseleleri qaralady. Sondaı-aq, UQShU-ǵa múshe memleketter úshin kadrlardy daıarlaıtyn bazalyq oqý oryndarynyń qyzmeti, tótenshe jaǵdaılardyń aldyn alý jáne olardy joıý salasyndaǵy ýákiletti organdardyń ózara is-qımyl jasaý maqsatynda olarmen odan arǵy yntymaqtastyq jaıy da talqylanatyn bolady.