UQShU bitimgerleri qandaı nysandardy kúzetýde

NUR-SULTAN. QazAqparat – QR Qorǵanys mınıstrliginiń baspasóz qyzmeti UQShU kiretin Armenııa, Qyrǵyzstan,Tájikstan, Belarýs elderinen kelgen Ujymdyq bitimgershilik kúshteriniń Qazaqstandaǵy nysandardyń qaýipsizdigin qalaı qamtamasyz etip turǵany týraly vıdeolar jarııalady, dep habarlaıdy QazAqparat

Armenııa eliniń áskerı qyzmetshileri UQShU Ujymdyq bitimgershilik kúshteri quramynda Almaty qalasy men Almaty oblysynyń turmys-tirshiligine qajetti mańyzdy nysandardyń qaýipsizdigin qamtamasyz etý jónindegi tapsyrmalardy oryndaýda.

Qyrǵyzstannan kelgen áskerı qyzmetshiler Almaty qalasynyń turmys-tirshiligin qamtamasyz etý nysandaryn kúzetý boıynsha tapsyrmalardy oryndaýda.

Almatydaǵy jylý energetıkalyq ortalyǵynyń qaýipsizdigin Tájikstan Qarýly Kúshteriniń bitimgerleri qamtamasyz etedi. Kontıngent quramynda 100 adam bar. JEO-1 Almatynyń ortalyq jáne shyǵys bóligin jylýmen jáne ystyq sýmen qamtamasyz etedi. Stantsııa qala ishinde ornalasqan jáne megapolıstiń mańyzdy nysandarynyń biri bolyp tabylady.

Belarýs eliniń áskerı qyzmetshileri UQShU Ujymdyq bitimgerlik kúshteriniń quramynda «Jetigen» áskerı áýeaılaǵyn kúzetý boıynsha tapsyrmalardy oryndaýda.

Eske salsaq, 6 qańtarda QR Prezıdenti Qasym-Jomart Toqaev Ujymdyq qaýipsizdik shart uıymyna múshe elderdiń basshylarynan terrorlyq syn-qaterdi eńserýde kómek surady. UQShU-nyń ujymdyq bitimgershilik kúshteri Qazaqstanǵa ýaqytsha keldi. Bul týraly Qazaqstan Respýblıkasy Syrtqy ister mınıstriniń birinshi orynbasary Shahrat Nuryshev aıtty. 12 qańtarda Almatyda jedel shtabtyń otyrysyn ótkizgen Memleket basshysy alda UQShU birlesken bitimgerlik kontıngentiniń bólimshelerin qaıtarý jumysy bastalatynyn aıtty.