Ýkraınadan qazaqstandyqtardy evakýatsııalaý joldary pysyqtalýda – Muhtar Tileýberdi

NUR-SULTAN. QazAqparat – Qajettilik týyndaǵan jaǵdaıda Ýkraınadan Qazaqstan azamattaryn evakýatsııalaý joldary qarastyrylyp jatyr. Bul týraly QR Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«Kıevtegi Elshiligimiz qazirgi ýaqytta tolyqtaı jumys istep tur. Ýkraınadaǵy azamattarymyzben baılanysyp otyr. Olardy evakýatsııalaý jaǵdaıy týyndaǵan kezdegi joldardyń da qarastyrylyp jatqany sózsiz. Qandaı da bir áskerı is-qımyl oryn alǵan jaǵdaıda azamattarymyzǵa shuǵyl túrde Kıevtegi elshiligimizge habarlasý kerek», - dedi mınıstr Úkimet otyrysynan keıin BAQ ókilderiniń saýalyna oraı.

Sonymen qatar ol BAQ ókilderiniń «Reseı ótinish bildirse, Qazaqstan Donetsk pen Lýganskige óz áskerin jibere me?» degen saýalyna da jaýap berdi. «Ujymdyq qaýipsizdik shart uıymy bar. Oǵan Qazaqstan múshe. Biraq, bul uıymnyń ol jaqqa ásker jiberýge quqy joq», - dedi Muhtar Tileýberdi.