Ýkraınadaǵy Qazaqstan Elshiliginiń jumysy tıisti deńgeıde qamtamasyz etiledi - mınıstrlik

ASTANA. QazAqparat – Ýkraınadaǵy Qazaqstan Elshiliginiń jumysy tıisti deńgeıde qamtamasyz etiledi. Bul týraly QR Syrtqy ister mınıstriniń orynbasary Roman Vasılenko aıtty, dep habarlaıdy QazAqparat tilshisi.

«Atap aıtqanda, ol elde saparmen júrgen azamattardyń saqtyq tanytýyna qatysty tıisti úndeý jasalǵan bolatyn. Sonymen qatar, bizdiń Elshiliktiń jumysy tıisti deńgeıde qamtamasyz etilip, el azamattarynyń múddesin qorǵaýǵa qatysty is-sharalar atqarylady. Munymen qosa, dıplomattardyń qaýipsizdigine erekshe nazar aýdarylyp otyr», - dedi Roman Vasılenko Májiliste tilshiler saýalyna jaýap bere otyryp.

Onyń aıtýynsha, Kıevtegi Qazaqstan Elshiligine zaqym keltirilmegen.

Budan buryn habarlanǵandaı, 11 qazan kúni QR Syrtqy ister mınıstrliginiń resmı ókili Aıbek Smadııarov Ýkraınada júrgen Qazaqstan azamattaryna qatysty suraqa jaýap berdi.

Osy oraıda ol Ýkraınadaǵy Qazaqstan azamattarynyń sany naqtylanyp jatqanyn aıtty.

Sonymen qatar, Elshilik qyzmetkerleri osy elde turatyn qazaqstandyqtarǵa úndeý jasady.

Foto: gov.kz