Ýkraınadaǵy Qazaqstan elshiliginde qansha qyzmetker qaldy

NUR-SULTAN. QazAqparat – QR Syrtqy ister mınıstriniń birinshi orynbasary Shahrat Nuryshev Ýkraınadaǵy Qazaqstan elshiliginde qansha qyzmetker qalǵanyn aıtty, dep habarlaıdy QazAqparat tilshisi.

Bul qyzmetkerler Qazaqstan azamattaryn elge jetkizý jumystarymen aınalysyp jatyr.

«Elshilikte 8 qyzmetker qaldy, onyń arasynda bizdiń Elshi de bar. Elshilikke telefon shalsańyz, Elshiniń ózi barlyǵyna jaýap berip jatyr», - dedi Sh. Nuryshev.

Onyń aıtýynsha, Ýkraına Ulttyq gvardııasynyń jergilikti kúshteri elshiliktiń qaýipsizdigin qamtamasyz etip otyr.

«Atys men bombylaý kezinde bizdiń qyzmetkerler Elshilikke kelgen Qazaqstannyń ózge de azamattarymen birge jertólege túsip, qorǵanyp júr», - dedi Shahrat Nuryshev.