Úkimet «Іsker aımaq» biryńǵaı baǵdarlamasyn bekitti

ASTANA. KAZINFORM — Búgin Úkimet otyrysynda «Іsker aımaq» shaǵyn bıznesti qoldaýdyń biryńǵaı baǵdarlamasy bekitildi. 

— Biz shaǵyn bıznestiń áleýetin barynsha ashýdy maqsat etip otyrmyz. «Báıterek» holdıngine «Atameken» palatasymen birlesip, isin jańa bastaǵan kásipkerlerdi oqytý men olarǵa servıstik qoldaý kórsetýdi uıymdastyrýdy tapsyramyn. Bıýdjettiń kiris bóligin jańa salyq-bıýdjet saıasaty esebinen ulǵaıtý qosymsha qarajatty qazaqstandyq bıznesti damytýǵa jáne qoldaýǵa baǵyttaýǵa múmkindik beredi. Osyny taǵy da basa aıtqym keledi, — dedi otyrys barysynda Premer-mınıstr Oljas Bektenov.

Premer-mınıstr Úkimet qaraýyna usynylǵan «Іsker aımaq» biryńǵaı baǵdarlamasyn kásipkerlerdiń, ásirese aýyldyq jerler men shaǵyn qalalardaǵy bıznes ókilderiniń suranystaryna der kezinde berilgen jaýap retinde baǵalady.

— Atalǵan baǵdarlamaǵa sáıkes biz jaı ǵana sýbsıdııa bólý ádisinen, óńirlerdiń ortaq jaýapkershiligi modeline kóshemiz. Bizdiń maqsatymyz — tek nesıe berý emes, turaqty óndirister quryp, ónim shyǵarý kóleminiń naqty ósimin qamtamasyz etý, — dedi Úkimet basshysy.

Osydan keıin Oljas Bektenov «Іsker aımaq» biryńǵaı baǵdarlamasyn bekitý týraly qaýlyǵa daýys berýdi usynyp, ol qoldaý tapty.

Buǵan deıin «Іsker aımaq» baǵdarlamasy qandaı baǵyttarda iske asyrylatynyn jazǵan edik.