UQK: «Qańtarda» urlanǵan qarýlar el ishinde áli de tabylyp jatyr
ASTANA. KAZINFORM — UQK men polıtsııa jedel operatsııa barysynda qarý-jaraq pen oq-dárilerdi tárkiledi, dep habarlaıdy vedomstvonyń baspasóz qyzmeti.
2025 jylǵy tamyz aıynan bastap Ulttyq qaýipsizdik komıteti (UQK) polıtsııa jáne prokýratýra organdarymen birge Astana men Shymkent qalalarynda, sondaı-aq Atyraý, Jambyl, Qaraǵandy, Pavlodar, Soltústik Qazaqstan jáne Ulytaý oblystarynda zańsyz qarý-jaraq pen oq-dárilerdi izdestirý jáne tárkileý boıynsha arnaıy operatsııalar júrgizip jatyr.
Bul sharalar Memleket basshysynyń tapsyrmasyna sáıkes júzege asýda. Operatsııa barysynda, sonyń ishinde 2022 jylǵy «Qańtar oqıǵasy» kezinde urlanǵan qarýlar da tabylyp jatyr.
Naqty nátıjeler boıynsha:
-
12 Kalashnıkov avtomaty
-
6 tapansha
-
15 myltyq
-
3 granata
-
500-den astam oq-dári tárkilendi.
Qazir osy derekter boıynsha tergeý jáne tekserý jumystary júrip jatyr. UQK bul baǵyttaǵy jumystar jalǵasatynyn habarlady.
Budan buryn Premer-mınıstr Oljas Bektenov Úkimette ótken baspasóz máslıhatynda 2022 jylǵy Qańtar oqıǵasy týraly tilshiler suraǵyna jaýap berdi.