UQK Aıdos Espolovtyń ustalǵanyn rastady

ASTANA.KAZINFORM — Ulttyq qaýipsizdik komıteti «Astana EKSPO-2017» kompanııasynyń burynǵy keńesshisi Aıdos Espolovtyń ustalǵanyn rastady.

Onyń qamaýǵa alynǵany týraly aqparat buǵan deıin birqatar BAQ-ta jarııalanǵan.

— Atalǵan fakt boıynsha Ulttyq qaýipsizdik komıteti sotqa deıingi tergeý júrgizip jatqanyn habarlaımyz. Qosymsha aqparat, Qylmystyq is júrgizý kodeksiniń 201-baby 1-bóligine sáıkes jarııa etýge jatpaıdy, — dep habarlady Ulttyq qaýipsizdik komıteti.

Aıdos Espolov «Astana EKSPO-2017» kompanııasynyń burynǵy keńesshisi jáne Eýrazııa tehnologııalyq ýnıversıteti men Alatau Asset Management Company quryltaıshylarynyń biri.

Buqaralyq aqparat quraldarynda habarlanǵan aqparat boıynsha ol EKSPO-2017 kórmesine daıyndyq kezinde aqsha jymqyrý jáne para alý isi boıynsha (shamamen 2,2 mlrd teńge) ustaldy. 

Aıta ketelik Qostanaı oblysynda ormandaǵy aǵashty zańsyz keskender ustaldy.