Úkimettiń jumys toby kópbalaly analarmen kezdesti
Q. A. ıAssaýı atyndaǵy Halyqaralyq Qazaq-Túrik ýnıversıtetiniń Mádenıet saraıynda kópbalaly analarmen, az qamtylǵan otbasylarmen, eńbek ardagerlerimen, múmkindikteri shekteýli jandarmen, bilim jáne densaýlyq saqtaý salasynyń qyzmetkerlerimen kezdesýler ótti.
«Búginde memlekettik saıasattyń negizgi basymdyǵy halyqtyń laıyqty turmys deńgeıin qamtamasyz etý. Respýblıkalyq bıýdjetten áleýmettik salaǵa barlyq shyǵyndardyń 45% baǵyttaldy. Túrli baǵdarlamalar aıasynda aýqymdy áleýmettik ınvestıtsııalar iske asyrylýda. Eń bastysy, áleýmettik saıasat teńdestirilgen bolýy kerek», - dedi G. Ábdiqalyqova.
Halyqpen kezdesý aıaqtalǵannan keıin G. Ábdiqalyqova az qamtylǵan azamattarǵa áleýmettik qoldaý kórsetý baǵytynda azamattardy jeke-jeke qabyldady.
Túrkistan oblysynda QR Premer-Mınıstriniń orynbasary Kúltóbe qalashyǵyndaǵy ǵylymı-restavratsııalyq jumystarmen tanysty jáne memlekettik organdardyń, vedomstvoǵa baǵynysty mekemelerdiń jáne ıÝNESKO-nyń halyqaralyq sarapshylarynyń ókilderimen kezdesti. Keńes barysynda Qazaqstannyń tarıhı murasy - Q. A. ıAssaýı kesenesin saqtaý máseleleri talqylandy. Keńes qorytyndysy boıynsha naqty tapsyrmalar berildi.
Eńbek jáne halyqty áleýmettik qorǵaý mınıstri Berdibek Saparbaev Halyqty jumyspen qamtý ortalyǵynyń jumysyn tekserip, jańa formatta ataýly áleýmettik kómek kórsetý protsesimen tanysty. Búgingi tańda oblysta AÁK alýshylar sany 207 myńnan 283 myń adamǵa deıin artty, osy maqsattarǵa qajetti qarjy 14 mlrdtan 45 mlrd teńgege deıin ósti.
Jumys toby «Kentaý transformator zaýyty» AQ bazasynda aýdandar, qalalar ákimderimen, ónerkásiptik kásiporyndardyń basshylarymen, bıznes-qurylymdar, kásipodaqtyq uıymdary basshylarymen keńes ótkizdi. G. Ábdiqalyqova ónerkásip kásiporyndarynyń, bıznes qurylymdarynyń basshylaryn ózderiniń tabysy tómen qyzmetkerlerin qoldaýǵa, turǵyn úı satyp alýǵa kómektesýge, olardy jóndeýge qarajat bólýge, baspana nesıeleri boıynsha bastapqy jarnalardy tólep berýge shaqyrdy.
Búginde óńir kásipkerleri 11 kópbalaly otbasyny turǵyn úımen qamtamasyz etti. Qazyǵurt aýdanynyń kásipkeri S. Ertaev kópbalaly Erjanovtar otbasyna úı satyp alyp berdi jáne Túrkııada naýqas balanyń otbasyna operatsııa jasaýǵa 4 mln teńge bóldi.
Jumys tobynyń músheleri densaýlyq saqtaý, bilim berý salasynyń qyzmetkerlerimen birqatar kezdesýler ótkizdi, azamattardy qabyldady, sondaı-aq áleýmettik nysandar men qurylys alańdaryna bardy.
Bilim jáne ǵylym mınıstri K. Shámshıdınova Kentaý qalasynda boldy, Densaýlyq saqtaý vıtse-mınıstri L. Aqtaeva men Qurylys jáne turǵyn-kommýnaldyq sharýashylyq isteri komıtetiniń tóraǵasy M. Jaıymbetov Túrkistan qalasynda boldy.
Jumys tobynyń quramyna Eńbek jáne halyqty áleýmettik qorǵaý mınıstri B. Saparbaev, Bilim jáne ǵylym mınıstri K. Shámshıdınova, Densaýlyq saqtaý vıtse-mınıstri L. Aqtaeva, Qurylys jáne turǵyn-kommýnaldyq sharýashylyq isteri komıtetiniń tóraǵasy M. Jaıymbetov kirdi.
