Úkimettiń 2023 jylǵy rezervi qansha

ASTANA. QazAqparat – «Ashyq NQA» portalynda 2023 jylǵa arnalǵan respýblıkalyq bıýdjettiń kórsetkishterin túzetý týraly Úkimet qaýlysynyń jobasy jarııalandy, dep habarlaıdy QazAqparat tilshisi.

«Kórsetilgen qaýlyǵa 2-4, 2-6 jáne 8-qosymshalar osy qaýlyǵa 2, 3 jáne 4-qosymshalarǵa sáıkes jańa redaktsııada jazylsyn», - delingen qaýly jobasynda.

Atalǵan 8-qosymshada Úkimet rezervine qarastyrylǵan qarjynyń mólsheri naqtylanǵan. Atap aıtsaq, Úkimet rezervi 276 mlrd 313 mln 920 myń teńge kóleminde belgilengen.

Onyń 8 mlrd 500 mln teńgesi Qazaqstan men basqa memleketterdiń aýmaǵyndaǵy tabıǵı jáne tehnogendik sıpattaǵy tótenshe jaǵdaılardy joıýǵa arnalmaq.

Al 265 mlrd 763 mln 920 myń teńgesi Úkimettiń shuǵyl shyǵyndaryna baǵyttalmaq.

Sondaı-aq, 1 mlrd 700 mln teńge Qazaqstan Úkimetiniń túrli deńgeıdegi sottar qabyldaǵan sheshimder aıasyndaǵy mindettemelerin oryndaýǵa arnalǵan. Qalǵan 350 mln teńge tabıǵı jáne tehnogendik sıpattaǵy tótenshe jaǵdaılardy joıý kezinde halyqtyń tirshiligin qamtamasyz etýge baǵyttalmaq.

Qujat 9 shildege deıin qoǵam talqylaýynda bolady.