Úkimettik emes uıymdar da latyn álipbıine kóshýdi qoldaıdy
Qor basshysynyń aıtýynsha, búgingi tańda kırıll jazýyn álemniń 12 memleketi ǵana paıdalanady. Al qalǵandarynyń kópshiligi latyn álipbıin qoldanady. Demek, bul keń taralǵan jazý. «Qazir álemniń túkpir-túkpirinde 5 mıllıonǵa jýyq qazaq turady. Olardyń 80 paıyzy latyn álipbıin paıdalanady. ıAǵnı, biz bolashaqta latyn álipbıine kóshsek, sol qandastarymyzben jaqyndasa túsemiz. Bul - syrttaǵy aǵaıynnyń kópten kútken armany. Biz, qazaqstandyqtar kópshilik bolyp latyn qarpine kóshýge daıyn ekenimizdi kórsetip, osyndaı mańyzdy qadamǵa barýǵa aýyzbirshilik tanytqanymyz jón bolady»,- deıdi ol.
Sonymen qatar, «Janashyr» qorynyń prezıdenti latyn álipbıine kóshýge qatysty halyqqa júrgizilgen saýalnama qorytyndylaryn da jarııa etti. Din isteri jáne azamattyq qoǵam mınıstrliginiń qoldaýymen «Azamattyq bastamalardy qoldaý ortalyǵy» kommertsııalyq emes mekemesiniń granttyq baǵdarlamasy aıasynda «Halyqtyń ulttyq mádenı-birligin saqtaýdaǵy zııalylardyń róli» dep atalatyn joba boıynsha konferentsııalar men dóńgelek ústelder, mektep jáne kolledj oqýshylarymen kezdesýler ótkizilgen. Osy basqosýlarda latyn qarpine kóshý týraly saýalnama júrgizilgen. Saıyp kelgende, suraý salynǵandardyń 80-90 paıyzy latyn jazýyna kóshýdi biraýyzdan qoldaıtyndaryn aıtypty.
Elbasynyń bastamasyn aýǵan soǵysy ardagerleri uıymdarynyń «Qazaqstan ardagerleri» qaýymdastyǵy da tolyǵymen qoldaıtynyn málimdedi. Qaýymdastyq tóraǵasy Baqytbek Smaǵuldyń aıtýynsha, latyn qarpi arqyly elimiz qazirgi zamanǵy tehnologııalyq ortaǵa, kommýnıkatsııaǵa, sondaı-aq, ǵylymı jáne bilim berý úderisine tereńirek kirige túsedi.
«Memleket bul iske barynsha baıyptylyqpen, dáıektilikpen jáne daıyndyqpen kirisýde. Qazaqtyń jańa jazýynyń synshysy da, tilekshisi de, tóreshisi de halyq bolmaq. Demek, álipbıdiń sońǵy nusqasynyń qandaı bolatyny da barsha qazaqstandyqtarǵa bolýǵa tıis. Bul bastama bólinip-jarylýǵa emes, eskiden arylýǵa, sananyń jańǵyrýyna, memlekettik tildiń jańasha damýyna bastaıdy. Táýelsiz Qazaq eliniń azamattaryna áldeneni syrttan tańýǵa eshkimniń haqysy joq. Bul - bizdiń, táýelsiz Qazaqstannyń órkenıettik tańdaýy. Bul tańdaýda da barsha qazaqstandyqtardyń kezekti ret yrys pen izgilikke ushtasar biraýyzdylyq tanytaryna senim bildiremiz»,- deıdi Baqytbek Smaǵul.
«Bastamashyl jastardy qoldaý ortalyǵy» respýblıkalyq qoǵamdyq birlestiginiń prezıdenti D. Nurbaev qazirgi kezde qazaq tilin latyn álipbıine kóshirýge qolaıly jaǵdaı jasalǵan dep esepteıdi. Sebebi, memleket, barlyq áleýmettik toptar, jastar, bıznes jáne ǵylym ókilderi latyn grafıkasyn qoldanady. «Damymaǵan tildiń keleshegi joq. Sondyqtan qazaq tilin damytý úshin latyn álipbıine kóshirýimiz kerek. Latyn álipbıi - búgingi zamandaǵy kommýnıkatsııanyń quraly. Qazaq tilin latynǵa aýystyrsaq, ol odan ári baıı túsedi. Eń bastysy, tildik júıeniń óz ereksheligi saqtalýy tıis. Al, qazir jahandyq aqparattyq keńistikte kóshbasshyǵa aınalǵan latynǵa aýyssaq, básekege qabilettiligimiz artatyny sózsiz»,- degen ustanymyn bildirdi D. Nurbaev.
