Úkimette Ýnıversıada alaý estafetasyn ótkizý máselesi talqylandy

ASTANA. QazAqparat - Úkimet úıinde QR Premer-Mınıstri Baqytjan Saǵyntaev 2017 jyly Almaty qalasynda 28-shi Búkilálemdik qysqy Ýnıversıada oıyndaryn ótkizý jáne oǵan daıyndyq máselelerine arnalǵan keńes ótkizdi.

QR Premer-Mınıstriniń resmı saıtynyń habarlaýynsha, keńeske qatysýshylar sporttyq ǵımarattar qurylysynyń barysyn, Qazaqstannyń stýdenttik qurama komandasynyń daıyndyǵyn, sondaı-aq alaý estafetasyn ótkizý máselesin talqylady.

B. Saǵyntaev keńes qorytyndysy boıynsha QR Premer-Mınıstriniń orynbasary I. Tasmaǵambetovke 2017 jyly Almaty qalasynda 28-shi Búkilálemdik qysqy Ýnıversıada oıyndaryna daıyndyq máselelerin baqylaýǵa alýdy tapsyrdy.

Eske sala ketsek, Búkilálemdik qysqy Ýnıversıada 2017 jyly 29 qańtar men 8 aqpan aralyǵynda Almaty qalasynda ótedi.

Qazirgi tańda 58 memleket jarysqa qatysatynyn rastady. Ýnıversıadada sporttyń 12 túri boıynsha 86 medaldar jıyntyǵy utysqa salynady. Sondaı-aq, jarystar 8 sporttyq nysanda jáne «Halyq Arenadan» bólek, «Shymbulaq», «Medeý», «Suńqar» tramplıni, B. Sholaq atyndaǵy Sport saraıy, «Alataý» shańǵy-bıatlon stadıony jáne Almaty oblysyndaǵy  «Tabaǵan» kesheninde ótedi.