Úkimette salyq saıasatyn jetildirý jónindegi zań jobasy qaraldy
Zań jobasynda 234 túzetý kózdelgen, olardyń ishinde: salyqtyq ákimshilendirý boıynsha - 207 túzetý, salyq saıasaty boıynsha - 27 túzetý. Usynylyp otyrǵan ózgerister qolaıly kásipkerlik orta qurýǵa, áleýmettik-ekonomıkalyq damý jáne aǵymdaǵy mindetterdi júzege asyrýǵa baǵyttalǵan.
Bızneske salyqtyq jáne ákimshilik júktemeni boldyrmaý maqsatynda qoldanystaǵy qosylǵan qun salyǵy (QQS) boıynsha esepke qoıý úshin eń tómen shekti mándi (30 000 AEK) 2017 jyldy qosa alǵanda saqtaı otyryp, odan ári kezeń-kezeńmen 2020 jylǵa deıin 15 000 AEK-ke deıin (31,8 mln. teńge) tómendetý usynyldy.
«Salyq kodeksinde QQS boıynsha tirkeý esebine erikti túrde qoıý týraly normany qalpyna keltirý kózdelýde. Yntymaqtastyqty damytýdy yntalandyrý maqsatynda arnaıy syılyq rejımin (ASR) qoldaný kezinde aýyl sharýashylyǵy kooperatıvterinde jer telmi bolýy qajet degen shartty alyp tastaý usynylady», - dedi mınıstr.
Budan basqa, otandyq aýyl sharýashylyǵy ónimderin óndirýshilerdi qoldaý úshin aldynda qoldanǵan múlikterdi júzege asyrý qamtamasyz etetin biryńǵaı jer salyǵyn qoldaný quqyǵyn saqtaý kózdelgen, jáne de asyl tuqymdy maldardy májbúrli soıý jáne kemýi (ólýi) jaǵdaıynda belgilengen normatıvter sheginde QQS boıynsha jeńildikterdi qoldaný josparlanǵan.
Zań jobasy boıynsha, alkogol ónimderine jáne temeki buıymdaryna aktsızderdiń fıskaldyq fýnktsııasyn kúsheıtý maqsatynda aktsızdiń mólsherlemeleri satylap ulǵaıtylady.
Qoldanystaǵy Salyq kodeksinde aktsız mólsherlemeleri ólshemi 2014 -2016 jyldarǵa belgilengen. 2017 - 2019 jyldarǵa aktsız mólsherlemeleri belgilenbegen. 2018 jáne 2019 jyldarǵa satylap ulǵaıtýymen 2017 jylǵa aktsızderdiń mólsherlemesin belgileý usynylady: algokoldik ónimniń 1 lıtri úshin: 2017 jyly - 2000 teńge 2019 jyly - 2 550 teńgege deıin, 2016 jylǵa ósim 85% quraıdy. Syra jáne syra sýsyndarynyń 1 lıtri úshin: 2017 jyly 39 teńge, 2019 jyly 57 teńgege deıin, 2016 jylǵa ósim 219% quraıdy, temeki ónimderiniń 1000 danasy úshin: 2017 jyly 6200 teńge 2019 jyly 8700 teńgege deıin, 2016 jylǵa ósim 74% quraıdy.
Alkogol ónimderin eksporttaý kezinde qosarlanǵan salyq salýdy boldyrmaý jáne otandyq óndirýshilerdiń básekege qabilettiligin kúsheıtý maqsatynda alkogol ónimderin óndirý úshin denatýrattalmaǵan etıl spırti aktsıziniń nóldik mólsherlemesin belgileý usynylady.
Osyndaı úlgi Reseı Federatsııasy men Belarýs Respýblıkasynda bar.
Jer qoınaýyn paıdalanýǵa ınvestıtsııany yntalandyrý maqsatynda kommertsııalyq tabys bolmaǵan jaǵdaıda ınvestıtsııalyq qarjylandyrý boıynsha (Carry qarjylandyrý) qaryzdardy esepten shyǵarý kezindegi tabysty KTS-tan bosatý kózdelgen.
Budan basqa, jer qoınaýyn paıdalanýshylarǵa bilim berý uıymdarynyń materıaldyq-tehnıkalyq bazasyn jaqsartýǵa qarajat bólýdi yntalandyrý maqsatynda qazaqstandyq kadrlardyń oqýyna kózdelgen shegerimderi sheńberinde jumsaǵan osyndaı shyǵystaryn shegerimderge jatqyzý usynylady.
Taǵyda da bir túzetý ol ulttyq operatorǵa satylatyn gazǵa salyq salý máselesin sheshý maqsatynda gaz óndirýdiń ózindik qunyna baılanystyrmaı, naqty satylý baǵasy boıynsha kiristi aıqyndaý.
Búgingi kúni Aqtaý teńiz portyna deıin temirjol kóligimen tasymaldaý boıynsha (ıaǵnı Qazaqstannyń shekarasy ishinde), halyqaralyq tasymaldaýǵa baılanysty qyzmetteri bolyp eseptelmeıdi jáne korporatıvti tabys salyǵy 12% boıynsha salýǵa jatady.
Budan basqa osy Zań jobamen arnaýly mańyzdy kontsessııalyq jobalary boıynsha «qol jetimdigi úshin tólem» mehanızmin ońtaılandyrýmen baılanysty túzetýler, qabyldaý jáne shaqyrýlardy kelisý bóliginde QR SІM jáne QR ІІM arasynda quzyretterin arajigin ajyratýyna baılanysty ázirlengen túzetýler, jáne de qoldanystaǵy zańnamany aldynda qabyldanǵan zańnamalyq aktilermen sáıkestendirý boıynsha túzetýler qarastyrylǵan.
«Barlyq normalar 2016 jylǵy 29 tamyzda Respýblıkalyq bıýdjet komıssııasynyń otyrysynda maquldandy. RBK-nyń qaraýyna shyǵarylǵan 2015-2019 jyldarǵa arnalǵan bıýdjettiń jáne Ulttyq qordyń shyǵystarynyń somasy 176 705,1 mln. teńgeni quraıdy.
Osymen bir ýaqytta, aktsız mólsherlemelerin ulǵaıtýdan jáne QQS-ny satylap tómendetýden túsetin qosymsha túsimder 237 001,1 mln. teńgeni quraıdy», - dep atap ótti ol.
