Úkimette EQQDB-men yntymaqtastyq talqylandy

NUR-SULTAN. QazAqparat - Qazaqstan Respýblıkasy Premer-Mınıstriniń orynbasary – Saýda jáne ıntegratsııa mınıstri Baqyt Sultanov Eýropa Qaıta Qurý jáne Damý bankiniń Ortalyq Azııa boıynsha basqarýshy dırektory Jýjanna Hargıtaımen jáne Dırektory, Qazaqstan boıynsha basshysy Hýseın Ózhanmen kezdesý ótkizdi, dep habarlaıdy QazAqparat primeminister.kz saıtyna silteme jasap.

Baqyt Sultanov Qazaqstan ulttyq ekonomıkanyń turaqty ósýi men damýy úshin EQQDB-men odan ári áriptestikti jalǵastyrýǵa nıetti ekenin atap ótti.

Taraptar Qazaqstan men Bank yntymaqtastyǵynyń aǵymdaǵy kún tártibin, sondaı-aq orta merzimdi perspektıvaǵa arnalǵan odan arǵy josparlardy, sondaı-aq EQQDB-nyń Qazaqstandaǵy jańa strategııasyn ázirleý jáne óńirlik damýǵa nazar aýdara otyryp, 2021-2025 jyldarǵa arnalǵan keńeıtilgen áriptestik Negizdemelik kelisimin (EPFA) iske asyrý barysyn talqylady.

Baqyt Sultanov memlekettik ınfraqurylym jobalary úshin qosymsha ınvestıtsııalar tartý jáne ShOB qoldaý máseleleri boıynsha yntymaqtastyqty keńeıtý qajettigine erekshe nazar aýdardy.

SOP26 sheńberinde halyqaralyq mindettemelerge sáıkes bolý úshin Qazaqstannyń kómirtegi beıtaraptyǵyna qol jetkizý máselelerine basa nazar aýdaryldy. Atap aıtqanda, jańartylatyn energııa sektoryn damytý boıynsha taraptardyń ózara is-qımyly, onyń ishinde osy saladaǵy zańnamany jetildirý jáne «jasyl qala» qaǵıdatyn is júzinde júzege asyrý týraly sóz boldy.