Úkimetaralyq komıssııa jańartylady - Gýrbangýly Berdimuxamedov

ASTANA. QazAqparat  - Búgin Aqordada QR Prezıdenti Nursultan Nazarbaevpen shaǵyn quramda kezdesken Túrikmenstan basshysy Gýrbangýly Berdimuxamedov ekijaqty úkimetaralyq komıssııanyń jańartylatynyn jetkizdi, dep xabarlaıdy QazAqparat  tilshisi.

"Negizi, bizdiń saýda-ekonomıkalyq baılanystarymyz jaman emes. Qazirgi kezde álem boıynsha ekonomıkanyń tejelýi baıqalady. Soǵan qaramastan, bizdiń qarym-qatynasymyz nyǵaıyp keledi. Osy oraıda ǵylymı-texnıkalyq, ekonomıkalyq jáne mádenı-gýmanıtarlyq máseleler boıynsha úkimetaralyq komıssııany qurǵanymyz durys boldy. Endi, zaman talabyna saı osy komıssııany jańartyp, tıisti qujatty rásimdep jatqanymyz oryndy", - dep atap kórsetti Berdimuxamedov.

Aıta keteıik, ótken jyly eki el arasyndaǵy taýar aınalymy 283,5 mln dollardy qurady. Eksport 69,1 mln dollar bolsa, ımporttyń úlesinde - 214,4 mln dollar. Qazaqstan túrkimen eline metall buıymdaryn, kaltsıı fosfatyn, aǵash pen aǵash ónimderin, un, un men kondıterlik ónimderdi tasymaldasa, Túrikmenstannan mıneraldyq, xımııa jáne toqyma ónimderi, motorly kólik quraldary, qozǵaltqyshtar men qural-jabdyqtar ımporttalady.