Úkimet qaýlysymen asyl tuqymdy mal sharýashylyǵyn qoldaýǵa arnalǵan sýbsıdııalaý erejeleri bekitildi

ASTANA. 3 aqpan. QazAqparat - QR Premer-Mınıstri Serik Ahmetovtiń 2013 jylǵy 25 qańtardaǵy №35-shi qaýlysymen asyl tuqymdy mal sharýashylyǵyn qoldaýǵa arnalǵan sýbsıdııalaý erejeleri bekitildi.

* * *

Qazaqstan Respýblıkasy Úkimetiniń qaýlysy

2013 jylǵy 25 qańtar №35 Astana, Úkimet Úıi

Asyl tuqymdy mal sharýashylyǵyn qoldaýǵa arnalǵan sýbsıdııalaý qaǵıdalaryn bekitý týraly

«Asyl tuqymdy mal sharýashylyǵy týraly» 1998 jylǵy 9 shildedegi Qazaqstan Respýblıkasy Zańynyń 16-4-babyna sáıkes jáne asyl tuqymdy ónimmen (materıalmen) qamtamasyz etýde otandyq aýyl sharýashylyǵy taýaryn óndirýshilerdi qoldaý maqsatynda Qazaqstan Respýblıkasynyń Úkimeti qaýly etedi:

1. Qosa berilip otyrǵan Asyl tuqymdy mal sharýashylyǵyn qoldaýǵa arnalǵan sýbsıdııalaý qaǵıdalary bekitilsin.

2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri S. AHMETOV.

Qazaqstan Respýblıkasy

Úkimetiniń

2013 jylǵy 25 qańtardaǵy

№35 qaýlysymen

bekitilgen

Asyl tuqymdy mal sharýashylyǵyn qoldaýǵa arnalǵan sýbsıdııalaý qaǵıdalary

1. Jalpy erejeler

1. Osy Asyl tuqymdy mal sharýashylyǵyn damytýǵa arnalǵan sýbsıdııalaý qaǵıdalary (budan ári - Qaǵıdalar) asyl tuqymdy mal úlesin jáne aýyl sharýashylyǵy malynyń ónimdilik sapasyn arttyrý maqsatynda otandyq aýyl sharýashylyǵy taýaryn óndirýshilerge (budan ári - taýar óndirýshiler), mal sharýashylyǵyndaǵy asyldandyrý isi jónindegi respýblıkalyq mal tuqymyn asyldandyrý ortalyǵyna (budan ári - respýblıkalyq mal tuqymyn asyldandyrý ortalyǵy), qostanaı jylqy tuqymy jónindegi asyl tuqymdy jylqy zaýytyna, etti qus sharýashylyǵy jónindegi asyl tuqymdy reprodýktorǵa, tıisti qarjy jylyna arnalǵan respýblıkalyq bıýdjette kózdelgen qarajat jáne is-sharalar esebinen jáne sheginde bıýdjettik sýbsıdııa berý (budan ári - sýbsıdııalar) tártibin aıqyndaıdy.

2. Sýbsıdııalanýǵa tıis baǵyttar:

1) taýar óndirýshilerdiń iri qara maldyń asyl tuqymdy tólin satyp alýy;

2) etti jáne sútti tuqymdy analyq iri qara mal basynyń sapalyq quramyn jaqsartýǵa baǵyttalǵan selektsııalyq jáne asyl tuqymdyq jumystar;

3) taýar óndirýshilerdiń tuqymdyq buqalardyń baǵalanǵan uryǵyn satyp alýy jáne embrıondardy trasplantatsııalaý;

4) jeke qosalqy sharýashylyqtardaǵy mal basynan quralǵan, jalpy tabynda shaǵylystyrýǵa paıdalanatyn asyl tuqymdy etti baǵyttaǵy tuqymdyq buqalardy kútip-baǵý;

5) taýar óndirýshiler ata-enelik, ata-tektik nysandaǵy tabyndy ustaıtyn otandyq asyl tuqymdy qus fabrıkalarynan etti jáne jumyrtqa baǵytyndaǵy asyl tuqymdy táýliktik balapandar men asyl tuqymdy jumyrtqa satyp alýy;

6) taýar óndirýshilerdiń otandyq asyl tuqymdy mal zaýyttarynan nemese asyl tuqymdy mal sharýashylyqtarynan asyl tuqymdy tóldi satyp alýy;

7) respýblıkalyq mal tuqymyn asyldandyrý ortalyǵynyń arnaıy tehnologııalyq, zerthanalyq jabdyqtardy, asyl tuqymdy buqalardy, sheteldik selektsııanyń uryǵyn satyp alýy; respýblıkalyq mal tuqymyn asyldandyrý ortalyǵynyń asyl tuqymdy buqalardy kútip-baǵýy, uryǵyn alýy, saqtaýy, óndirýshilerdiń sapasy boıynsha uryǵyn baǵalaýy, urpaǵynyń sapasy boıynsha uryǵyn baǵalaýy, embrıondar alýy, saqtaýy jáne paıdalanýy;

8) asyl tuqymdy jylqylardy kóbeıtý, kútip-baǵý jáne trenıngi, qostanaı jylqy tuqymy boıynsha asyl tuqymdy mal zaýytynda asyl tuqymdy aıǵyrlardyń uryǵyn alý jáne saqtaý;

9) etti qus sharýashylyǵy boıynsha asyldandyrý reprodýktorynda asyl tuqymdy qus satyp alý jónindegi shyǵyndardy tolyq óteý.

3. Árbir baǵytqa arnalǵan sýbsıdııa normatıvi osy Qaǵıdalarǵa 1-qosymshaǵa sáıkes belgilenedi.

4. Jyl saıyn árbir baǵytqa arnalǵan jáne óńirlerdiń bólinisindegi sýbsıdııalar kólemi aǵymdaǵy qarjy jylyna arnalǵan respýblıkalyq bıýdjette kózdelgen qarajat sheginde Qazaqstan Respýblıkasy Aýyl sharýashylyǵy mınıstriniń buıryǵymen bekitiledi.

2. Sýbsıdııalardy tóleý sharttary

5. Taýar óndirýshilerdiń sýbsıdııalardy alýynyń mindetti jáne qajetti sharty osy Qaǵıdalarǵa 2-qosymshada kórsetilgen tıisti baǵyttar boıynsha talaptarǵa tolyq sáıkes kelýi, búkil aýyl sharýashylyǵy mal basyn zootehnıkalyq normalarǵa sáıkes kútip-baǵýy jáne veterınarııalyq is-sharalardy júzege asyrýy bolyp tabylady.

6. Mynalar sýbsıdııalaýǵa jatpaıdy:

1) buryn arzandatylǵan, sondaı-aq aıyrbas boıynsha ózara esep aıyrysý esebine satyp alynǵan nemese molaıtý maqsatynda paıdalanylmaıtyn asyl tuqymdy tól, qus sharýashylyǵy ónimi, tuqymdyq buqa uryǵy, embrıondar;

2) aǵymdaǵy jyly sýbsıdııalanǵan selektsııalyq jáne asyl tuqymdyq jumystardy júrgizýge arnalǵan analyq mal basy, kútip-baǵýǵa arnalǵan jalpy tabynda shaǵylystyrýǵa paıdalanatyn asyl tuqymdy tuqymdyq buqalar;

3) shet elden ákelingen, ındekstik júıe boıynsha baǵalanbaǵan asyl tuqymdy iri qara mal tóli; shet elden ákelingen, óziniń óinimdiligi nemese urpaǵynyń sapasy boıynsha baǵalanbaǵan tuqymdyq buqalar;

4) ónerkásiptik shaǵylystyrýǵa arnalǵan asyl tuqymdy qasharlar.

7. Taýar óndirýshilerdiń joǵaryda kórsetilgen sharttardy saqtamaýy tıisti aýdannyń aýyl sharýashylyǵy bóliminiń (budan ári - bólim) tólengen sýbsıdııalardy zańnamada belgilengen tártippen óndirip alýyna negiz bolyp tabylady.

8. Taýar óndirýshiler málimdegen sýbsıdııalardyń kólemi bólingen sýbsıdııalar kóleminen asyp túsken jaǵdaıda, etti baǵyttaǵy iri qara maldyń asyl tuqymdy tólin satyp alýǵa bergen ótinimder basym tártippen qanaǵattandyrylady, qarajat qaldyǵy berilgen ótinimderge sáıkes proportsıonaldy túrde bólinedi. Taýar óndirýshige tıesili sýbsıdııalardyń tólenbegen qaldyǵy oǵan kelesi aıda (aılarda) kózdelgen bos qarajattan tólenetin bolady.

3. Mınıstrliktiń jáne oblys ákimdikteriniń jumys tártibi

9. Qazaqstan Respýblıkasy Aýyl sharýashylyǵy mınıstrligi (budan ári - Mınıstrlik) buıryqpen mynadaı qujattardy bekitedi:

1) sýbsıdııalar alýǵa arnalǵan ótinim nysandary;

2) aýdan/oblys boıynsha jıyntyq aktiler nysany;

3) oblys boıynsha bıýdjet qarajatyn ıgerý jónindegi esep nysany;

4) oblys boıynsha asyl tuqymdy ónimdi (materıaldy) satyp alý, sondaı-aq selektsııalyq jáne asyldandyrý jumystaryn júrgizý kólemi jónindegi toqsandyq esep nysany;

5) tuqymdyq buqalardy bekitý jáne paıdalaný boıynsha eldi meken turǵyndary - mal ıeleri jıyny sheshiminiń nysany;

6) satyp alynǵan iri qara maldyń asyl tuqymdyq tólin paıdalaný boıynsha mindettemeler nysany;

7) uryqty paıdalaný aktisiniń nysany;

8) tóldiń týǵanyna arnalǵan akt nysany;

9) embrıondy telý júrgizýge arnalǵan akt nysany.

10. Qazaqstan Respýblıkasy Aýyl sharýashylyǵy mınıstri jáne oblys ákimderi jyl saıyn 30 qańtarǵa deıingi merzimde asyl tuqymdy mal sharýashylyǵyn qoldaýǵa arnalǵan oblystyń jeke aı saıynǵy qarjylandyrý josparymen kelisimge qol qoıady.

11. Mınıstrlik, bıýdjettik baǵdarlamanyń ákimshisi retinde tólemder boıynsha jeke qarjylandyrý josparyna jáne oblys ákimi men Qazaqstan Respýblıkasy Aýyl sharýashylyǵy mınıstri arasynda qol qoıylǵan aǵymdaǵy nysanaly transfertter boıynsha nátıjeler týraly kelisimge sáıkes asyl tuqymdy mal sharýashylyǵyn qoldaýǵa beriletin aǵymdaǵy nysanaly transfertterdi aı saıyn oblystyq bıýdjetterge aýdarady.

12. Oblys ákimi osy Qaǵıdalar qoldanysqa engizilgen kúnnen bastap on jumys kúni ishinde oblys ákimi óziniń sheshimimen oblys ákiminiń aýyl sharýashylyǵy máseleleri boıynsha orynbasary tóraǵalyq etetin, oblystyq máslıhat sheshimimen bekitiletin asyl tuqymdy mal sharýashylyǵyn qoldaýǵa arnalǵan sýbsıdııalaý máseleleri jónindegi oblystyq komıssııany (budan ári - Komıssııa) qurady.

Komıssııa turaqty negizde osy Qaǵıdalardyń qoldanylýynyń barlyq ýaqytynda jumys isteıdi. Komıssııanyń quramyna oblystyń aýyl sharýashylyǵy basqarmasynyń (budan ári - basqarma), Qazaqstan Respýblıkasy Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıtetiniń jáne Veterınarııalyq qadaǵalaý jáne baqylaý komıtetiniń aýmaqtyq ınspektsııalarynyń mamandary, sondaı-aq beıindi qoǵamdyq uıymdardyń ókilderi kiredi. Komıssııa músheleriniń quramy oblys ákimi sheshimimen ózgertilýi múmkin. Komıssııanyń jumys organy basqarma bolyp tabylady.

13. Komıssııanyń quzyretine taýar óndirýshilerdiń ótinimderi boıynsha qarjylandyrý josparynda aılar boıynsha jáne baǵyttar basymdylyǵyna sáıkes belgilengen lımıtterdiń sheginde tıesili bıýdjet qarajaty kólemin aıqyndaý, Mınıstrlik bekitken nysan boıynsha jıyntyq vedomost qalyptastyrý jáne aqy tóleý shottarynyń tizilimin kelisý kiredi.

14. Komıssııanyń otyrysy aıyna keminde bir ret júzege asyrylady. Kezekti otyrysta komıssııa birinshi kezekte buryn maquldanǵan, biraq qarjylandyrylmaǵan nemese ishinara qarjylandyrylǵan basym baǵyttaǵy ótinimderdi, keıinnen aǵymdaǵy aıdyń ótinimderin qanaǵattandyrady.

15. Bólingen qarajat tolyq ıgerilmegen jaǵdaıda Mınıstrlik zańnamada belgilengen tártippen bıýdjettik baǵdarlamany iske asyrýǵa arnalǵan respýblıkalyq bıýdjette kózdelgen qarajat sheginde bıýdjettik sýbsıdııalardy tóleýge arnalǵan qarajatty oblystar boıynsha qaıta bólý týraly Qazaqstan Respýblıkasynyń Úkimetine usynys engizedi.

4. Taýar óndirýshilerdiń sýbsıdııalar alýǵa arnalǵan ótinimderin

qaraý jáne qanaǵattandyrý tártibi

16. Qaǵıdalar resmı jarııalanǵannan keıin bes jumys kúni ishinde bólim aýdan ákimdiginiń ınternet-resýrsyna jáne aýdannyń resmı baspa basylymdarynda sýbsıdııalaýǵa arnalǵan ótinimderdi qabyldaý bastalǵany týraly habarlandyrý ornalastyrady.

17. Jyl saıyn Qazaqstan Respýblıkasy Aýyl sharýashylyǵy mınıstri jáne oblys ákimi asyl tuqymdy mal sharýashylyǵyn qoldaýǵa beriletin oblystyń jeke aı saıynǵy qarjylandyrý josparymen kelisimge qol qoıǵannan keıin 5 jumys kúninen keshiktirmeıtin merzimde, basqarma ony oblys ákimdiginiń ınternet-resýrsynda, bólimder - tıisti aýdan ákimdiginiń ınternet-resýrsynda ornalastyrady.

18. Taýar óndirýshiler tıisti negizderdiń týyndaýyna qaraı osy Qaǵıdalardyń 2-tarmaǵynda kórsetilgen baǵyttarǵa sáıkes sýbsıdııalanýǵa tıis naqty kólemine ótinimdi (osy Qaǵıdalardyń 30-32-tarmaqtaryna sáıkes qujattardyń tolyq paketin) bólimge usynady. Bólim taýar óndirýshiniń bergen ótinimderin ótinimderdi tirkeýdiń tıisti jýrnalynda tirkeıdi.

19. Bólim ótinim berý úshin negiz týyndaǵan sátten bastap 1 jyldan aspaǵan ótinimdi qabyldaýǵa mindetti.

20. Bólim ótinimderdi alǵan sátten bastap úsh jumys kúni ishinde qujattar paketin jáne taýar óndirýshilerdi osy Qaǵıdalardyń 5 jáne 6-tarmaqtarynda kórsetilgen talaptarǵa sáıkestigi turǵysynan tekseredi.

Qujattar paketi tolyq usynylmaǵan nemese talaptarǵa sáıkes kelmegen jaǵdaılarda, bólim usynylǵan qujattardy taýar óndirýshilerge bas tartý sebepterin kórsete otyryp dereý qaıtarady.

Taýar óndirýshiler túzetilgen nemese tolyqtyrylǵan ótinimdi qaıta engizýge quqyly.

21. Usynylǵan qujattar osy Qaǵıdalardyń talaptaryna sáıkes kelgen jáne osy Qaǵıdalarda kózdelgen ótinimderden bas tartýǵa negizder bolmaǵan jaǵdaılarda, bólim taýar óndirýshi ótinimde usynǵan derekterdi eki jumys kúni ishinde: Qazaqstan Respýblıkasy Ádilet mınıstrliginiń resmı saıtyndaǵy, Qazaqstan Respýblıkasy Qarjy mınıstrligi Salyq komıtetiniń resmı saıtyndaǵy zańdy tulǵalardyń derekter qorynan tekserip, ótinimdi aýdannyń veterınar dárigeri bergen veterınarııalyq qolaılylyǵy týraly anyqtamamen, iri qara malǵa qatysty baǵyttardy sýbsıdııalaý kezinde - «Aýyl sharýashylyǵy janýarlaryn sáıkestendirý» júıesiniń (budan ári - AJS) selektsııalyq jáne asyldandyrý jumysynyń biryńǵaı aqparattyq bazasynan úzindilerimen tolyqtyrady.

22. Bólim taýar óndirýshilerdiń asyl tuqymdy tóldi, qus sharýashylyǵy ónimderin satyp alýy, selektsııalyq jáne asyl tuqymdyq jumystardy júzege asyrýy, sondaı-aq tuqymdyq buqalardy kútip-baǵýy týraly aýdan ákimi bekitken jıyntyq aktini jasaıdy. Taýar óndirýshilerdiń ótinimderi tolyq qujattar paketimen qosa jáne bekitilgen jıyntyq akti eki aptada keminde 1 ret basqarmaǵa usynylady. Bul rette bólim basqarmaǵa usynylatyn rastaý qujattarynyń durystyǵyn qamtamasyz etedi. Basqarma bólimniń jıyntyq ótinimin tıisti tirkeý jýrnalǵa tirkeıdi.

23. Basqarma úsh jumys kúni ishinde bólim usynǵan ótinimderdi osy Qaǵıdalarda belgilengen talaptarǵa sáıkestigi turǵysynan qaraıdy. Usynylǵan ótinimder osy Qaǵıdalardyń talaptaryna sáıkes kelmegen jaǵdaıda, basqarma usynylǵan ótinimder tirkelgen kúnnen bastap úsh jumys kúninen keshiktirmeı keri qaıtarý sebepterin kórsete otyryp, olardy pysyqtaýǵa qaıtarady.

24. Usynylǵan qujattar osy Qaǵıdalardyń talaptaryna sáıkes kelgen jaǵdaıda, basqarma eki jumys kúni ishinde ótinimderdi komıssııanyń qaraýyna jiberedi, ol otyrys qorytyndysy boıynsha taýar óndirýshilerdiń jıyntyq tizimin jáne sýbsıdııalaý baǵdarlamasyna qatysýshylarǵa tıesili sýbsıdııalar kólemderin jasaıdy.

25. Oblys ákimi komıssııanyń usynymy boıynsha komıssııa bergen tizimdi úsh jumys kúni ishinde bekitedi. Basqarma ákimniń sheshimin Mınıstrlikke jáne tıisti bólimderge dereý joldaıdy.

26. Taýar óndirýshilerdiń bank shottaryna tıesili bıýdjettik sýbsıdııalardy aýdarýdy basqarma tólemder boıynsha jeke qarjylandyrý josparyna sáıkes úsh jumys kúni ishinde aýmaqtyq qazynashylyq bólimshesine aqy tóleý shottaryn eki danada qosa bere otyryp, aqy tóleý shottarynyń tizilimin usyný jolymen júzege asyrady.

27. Basqarma aı saıyn bólimge aýdan boıynsha taýar óndirýshilerge tólengen bıýdjet qarajatynyń kólemi týraly aqparat jiberedi.

28. Asyl tuqymdy iri qara mal tólin satyp alýǵa, tuqymdyq buqa uryǵyn satyp alýǵa jáne embrıondardy telýge, júrgizilgen selektsııalyq jáne asyldandyrý jumystaryn, etti tuqymdy tuqymdyq buqalardy kútip-baǵýǵa alynǵan sýbsıdııalar týraly málimetti bólim sýbsıdııalar bólingen ár maldyń sáıkestendirý nómirin kórsete otyryp, basqarmadan osyndaı aqparat túsken kúninen bastap on jumys kúni ishinde ATJ-ge engizýge tıis.

29. Basqarma aı saıyn, esepti aıdan keıingi aıdyń 5-kúnine deıingi merzimde, biraq 30 jeltoqsannan keshiktirmeı Mınıstrlikke tólengen bıýdjettik sýbsıdııalardyń kólemi, quny jáne tıimdiligi týraly esep beredi.

5. Sýbsıdııalar alý úshin qajetti qujattardyń tizbesi

30. Taýar óndirýshiler bólimge osy Qaǵıdalardyń 2-tarmaǵynda kórsetilgen baǵyttarǵa sáıkes sýbsıdııalanýǵa tıis naqty kólemderine ótinimder usynady.

31. Ótinimge osy Qaǵıdalardyń 2-qosymshasynda kórsetilgen talaptardy rastaıtyn qujattar qosa beriledi.

32. Taýar óndirýshi qosymsha bankten banktik shotynyń bar bolýy týraly anyqtamany qosa beredi.

33. Rastaýshy qujattardyń túpnusqalary kóshirmelerimen salystyryp tekserilgennen keıin sýbsıdııa alýshyǵa qaıtarylady.

6. Respýblıkalyq mal tuqymyn asyldandyrý ortalyǵynyń, qostanaı

jylqy tuqymy jónindegi asyl tuqymdy jylqy zaýytynyń, etti qus sharýashylyǵy jónindegi asyldandyrý reprodýktorynyń shyǵyndaryn tolyq óteýdi kózdeıtin sýbsıdııalarǵa arnalǵan aǵymdaǵy nysanaly transfertterdi paıdalaný tártibi

34. Shyǵyndardy tolyq óteý úshin 10 jeltoqsannan keshiktirmeı basqarmaǵa:

1) respýblıkalyq mal tuqymyn asyldandyrý ortalyǵy Mınıstrlikpen kelisilgen tizbe boıynsha asyl tuqymdy tuqymdyq buqalardy, sheteldik selektsııanyń uryǵyn, jabdyqty, tehnıkany satyp alǵanyn rastaıtyn qujattardyń (shart, tólem qujattarynyń kóshirmeleri, kiris aktisi) bir danasyn, asyl tuqymdy tuqymdyq buqalardy kútip-baǵýǵa, olardyń uryqtaryn alýǵa, saqtaýǵa jáne baǵalaýǵa, sondaı-aq embrıondardy alýǵa, saqtaýǵa jáne paıdalanýǵa jumsalatyn shyǵyndardy (júzege asyrylýyna qaraı) rastaıtyn qujattardyń bir danasyn usynady;

2) qostanaı jylqy tuqymy jónindegi asyl tuqymdy jylqy zaýyty asyl tuqymdy jylqylardy ósirýge, ustaýǵa, trenıngke jáne aıǵyrlardyń uryǵyn saqtaýǵa arnalǵan shyǵyndardy (júzege asyrylýyna qaraı) rastaıtyn qujattardyń bir danasyn usynady;

3) etti qus sharýashylyǵy boıynsha asyldandyrý sharýashylyǵy balapandardy satyp alýǵa jumsalǵan shyǵyndardy (olardyń júzege asyrylýyna qaraı) rastaıtyn qujattardyń (sharty, tólem qujattarynyń kóshirmeleri, kiris aktisi) kóshirmesiniń bir danasyn usynady.

35. Basqarma usynylǵan sharttardy bes jumys kúni ishinde tekseredi, osy Qaǵıdalarǵa 3-qosymshaǵa sáıkes nysan boıynsha jıyntyq vedomost qalyptastyrady, sondaı-aq aqy tóleý shottaryn eki danada qosa bere otyryp, tólem shottarynyń tizilimin aýmaqtyq qazynashylyq bólimshesine bıýdjettik sýbsıdııalardy respýblıkalyq mal tuqymyn asyldandyrý ortalyǵyna, qostanaı jylqy tuqymy jónindegi asyl tuqymdy jylqy zaýytyna, etti qus sharaýshylyǵy boıynsha asyldandyrý sharýashylyǵyna aýdarý úshin usynady.

Asyl tuqymdy mal sharýashylyǵyn

qoldaýǵa arnalǵan sýbsıdııalaý

qaǵıdalaryna

1-qosymsha

1. Taýar óndirýshiler satyp alǵan asyl tuqymdy iri qara mal tóliniń qunyn ishinara (50 % artyq emes) arzandatý boıynsha bıýdjettik sýbsıdııalar normatıvteri

Asyl tuqymdy ónim túri	1 basqa arnalǵan sýbsıdııalar normatıvteri, teńge
	Etti tuqymdar*		Sútti tuqymdar*
	Buqalar	Qasharlar jáne qunajyndar	Qasharlar jáne qunajyndar
otandyq selektsııalar	118 000	118 000	118 000
shetelden ákelingen:
Avstralııa, Soltústik jáne Ońtústik Amerıka elderi	235 000	235 000	235 000
Eýropa elderi	154 000	154 000	154 000
Reseı Federatsııasy, Belarýs Respýblıkasy jáne Ýkraına	0	0	118 000

2. Etti jáne sútti tuqymdy analyq iri qara mal basynyń sapalyq quramyn jaqsartýǵa baılanysty taýar óndirýshilerge selektsııalyq jáne asyl tuqymdyq jumystardy júrgizýge baılanysty shyǵyndarynyń qunyn (50 % artyq emes) arzandatý boıynsha bıýdjettik sýbsıdııalar normatıvteri

Asyl tuqymdy ónim túri	1 basqa arnalǵan sýbsıdııalar normatıvteri, teńge
Etti tuqymdy sıyrlar jáne qunajyndar *	14 000
Sútti tuqymdy sıyrlar jáne qunajyndar *	14 000

* Qurama sútti-etti baǵyttaǵy tuqymdar úshin taýar óndirýshiler atalǵan maldy qaı baǵyt maqsatynda paıdalanatyndyǵyna baılanysty baǵyt qoldanylady.

3. Taýar óndirýshiler satyp alǵan baǵalanǵan tuqymdy buqalar

uryǵy jáne embrıondy telý qunyn ishinara (50 % artyq emes) arzandatý boıynsha bıýdjettik sýbsıdııalar normatıvteri

Asyl tuqymdy materıal túri	Ólshem birligi	1 birlikke arnalǵan sýbsıdııalar normatıvteri, teńge
Embrıon	dana	18 000
tuqymdyq buqalar uryǵy, onyń ishinde:
qos jynysty uryq (otandyq)	doza	600
ımporttyq uryq	doza	1 100
bir jynysty uryq	doza	3 300

4. Jeke qosalqy sharýashylyqtardaǵy analyq iri qara mal basynan qalyptastyrylǵan jalpy tabynda shaǵylystyrýǵa paıdalanatyn asyl tuqymdy etti baǵyttaǵy tuqymdyq buqalardy kútip-baǵýǵa jumsalatyn shyǵyndardyń qunyn ishinara (50 % artyq emes) óteý boıynsha

bıýdjettik sýbsıdııalar normatıvteri

Asyl tuqymdy ónim túri	1 basqa arnalǵan sýbsıdııalar normatıvteri, teńge
Etti baǵyttaǵy tuqymdyq buqalar	104 000

5. Otandyq qus fabrıkalary ata-tektik, ata-enelik jelidegi otandyq asyl tuqymdy qus fabrıkalarynan satyp alǵan asyl tuqymdy táýliktik balapandar men asyl tuqymdy jumyrtqanyń qunyn ishinara (50 % artyq emes) arzandatý boıynsha bıýdjettik sýbsıdııalar normatıvteri*

Asyl tuqymdy ónim túri	Táýliktik balapandar jáne asyl tuqymdy jumyrtqa satyp alýǵa arnalǵan sýbsıdııalar normatıvteri, teńge
	ata-tektik tabynnan**	ata-enelik tabynnan***
Táýliktik balapan (etti baǵyttaǵy)	Satyp alý qunynyń 50 % artyq emes, biraq 1 basqa 303 teńgeden artyq emes	-
Táýliktik balapan (jumyrtqa baǵytyndaǵy)	-	Satyp alý qunynyń 50 % artyq emes, biraq 1 basqa 50 teńgeden artyq emes
Taýyq jumyrtqasy	-	Satyp alý qunynyń 50 % artyq emes, biraq 1 danasyna 21 teńgeden artyq emes

* Asyl tuqymdy sharýashylyq mártebesin alǵan asyl tuqymdy qus fabrıkalarynan satyp alynǵan asyl tuqymdy ónimder (táýliktik balapandar, asyl tuqymdy jumyrtqa) sýbsıdııalanýǵa tıis.

** Etti baǵyttaǵy qus sharýashylyǵynda ata-enelik tabyndy qalyptastyrý úshin.

*** Jumyrtqa baǵytyndaǵy qus sharýashylyǵynda ónerkásiptik tabyndy qalyptastyrý úshin.

6. Taýar óndirýshiler otandyq asyl tuqymdy mal zaýyttarynan nemese asyl tuqymdy mal sharýashylyqtarynan satyp alǵan otandyq tuqymdardyń asyl tuqymdy tóliniń qunyn ishinara (50 % artyq emes) arzandatý boıynsha bıýdjettik sýbsıdııalar normatıvteri

R/s №	Asyl tuqymdy maldardyń túrleri men tuqymdary	1 basqa basqa arnalǵan sýbsıdııalar normatıvteri, teńge
Qoılar
1.	Qazaqtyń bııazy júndi qoıy	8 000 teńge, biraq satyp alý qunynyń 50 % artyq emes
2.	Qazaqtyń arqar merınosy
3.	Ońtústik qazaq merınosy
4.	Soltústik qazaq merınosy
5.	Avstralııa merınosy
6.	Tsıgaı qoıy
7.	Qazaqtyń bııazylaý krossbredti júndi qoıy
8.	Degeres etti-júndi qoıy
9.	Edilbaı qoıy
10.	Qazaqtyń uıań júndi nemese qylshyq júndi quıryqty qoıy
11.	Saryarqa quıryqty qoıy
12.	Gıssar qoıy
13.	Qarakól qoıy
Jylqylar
1.	Qazaqtyń jaby jylqysy	40 000 teńge, biraq satyp alý qunynyń 50 % artyq emes
2.	Kóshim jylqysy
3.	Muǵaljar jylqysy
4.	Qazaqtyń adaı jylqysy
Shoshqalar
1.	Іri aq shoshqa	15 000 teńge, biraq satyp alý qunynyń 50 % artyq emes
2.	Nemistiń asyl tuqymdy shoshqasy
3.	Dıýrok
4.	Landras
Túıeler
1.	Qazaqtyń aıyr órkeshti túıesi	37 000 teńge, biraq satyp alý qunynyń 50 % artyq emes
2.	Arýana
Maraldar (buǵylar)
1.	Maraldar	30 000 teńge, biraq satyp alý qunynyń 50 % artyq emes
2.	Buǵylar

Asyl tuqymdy mal sharýashylyǵyn

qoldaýǵa arnalǵan sýbsıdııalaý qaǵıdalaryna

2-qosymsha

Mal sharýashylyǵy jáne qus sharýashylyǵy salasyndaǵy taýar óndirýshilerge

qoıylatyn ólshemder

R/s№	Sýbsıdııalaý baǵyttary	Talaptar
1.	Taýar óndirýshilerdiń iri qara maldyń asyl tuqymdy tólin satyp alýy	1. Satyp alatyn asyl tuqymdy tóldiń jasy olardy karantınge qoıǵan ýaqytta: qasharlar - 18 aıdan, qunajyndar jáne buqalar - 26 aıdan aspaýy tıis. 2. Satyp alǵan asyl tuqymdy tólge tıisti tuqymdar boıynsha Respýblıkalyq palatalar bergen asyl tuqymdy mal kýáliginiń túpnusqasy jáne kóshirmesi. 3. Veterınarııalyq sertıfıkattyń túpnusqasy jáne kóshirmesi. 4. Lızıng/satyp alý-satý shartynyń túpnusqasy jáne kóshirmesi. Lızıng sharty boıynsha negizgi boryshty óteý úshin lızıng berýshiniń derektemelerin kórsete otyryp, sýbsıdııa tóleýge arnalǵan ótinim (lızıng sharty negizinde asyl tuqymdy tóldi satyp alǵan jaǵdaıda). 5. Tólem qujattarynyń túpnusqalar jáne kóshirmeleri - kiris-kassalyq order nemese shart boıynsha 100% tólengenin rastaıtyn banktiń tólem tapsyrmasy. 6. Asyl tuqymdy tóldi kiriske alý aktisiniń túpnusqalary jáne kóshirmeleri (nemese taýar óndirýshidegi karantınnen sheshý aktisi). 7. Satyp alynǵan analyq mal basyn óz tólinen ósirý maqsatynda keminde 2 jyl paıdalaný týraly jazbasha mindettemeler (tuqymdyq buqalar úshin - keminde 2 shaǵylystyrý maýsymy). 8. Shaǵylystyrý kontıngentin baǵalanǵan tuqymdyq buqalardyń uryǵymen jasandy uryqtandyrýdy paıdalaný jáne/nemese qoldan uryqtandyrýda óz ónimdiligi boıynsha baǵalanǵan asyl tuqymdy tuqymdyq buqalardy paıdalaný boıynsha (etti iri qara mal sharýashylyǵynda); shaǵylystyrý kontıngentin óz ónimdiligi boıynsha baǵalanǵan tuqymdyq buqalardyń uryǵymen 100% jasandy uryqtandyrýdy paıdalaný boıynsha mindetteme (sútti iri qara mal sharýashylyǵynda). Asyl tuqymdy mal basyn ustaıtyn sharýashylyqtar úshin qosymsha: 9. Tıisti tuqym boıynsha Respýblıkalyq palatanyń nemese Respýblıkalyq palata usynǵan zańdy jáne jeke tulǵalardyń ǵylymı jáne/nemese konsaltıngtik súıemeldeýi týraly kelisiminiń bolýy; Asyl tuqymdy tóldi shetelden satyp alǵan kezde qosymsha: 10. Asyl tuqymdy tuqymdyq buqanyń DNK - pasportynyń túpnusqasy jáne kóshirmesi. 11.Asyl tuqymdy iri qara maldy jáne odan alynǵan tóldi óz tólinen ósirý úshin tek Qazaqstan Respýblıkasy aýmaǵynda 3 jyl ishinde paıdalaný týraly jazbasha mindettemeniń bolýy.
2.	Etti jáne sútti tuqymdy analyq iri qara mal basynyń sapalyq quramyn jaqsartýǵa baǵyttalǵan selektsııalyq asyldandyrý jumystary	1. Maldardyń belgilengen úlgidegi sáıkestendirý nómiriniń bolýy jáne olardyń sáıkestendirý júıesinde tirkelýi 2. Asyl tuqymdy mal basynyń ASJ-de bolýy 3. Asyl tuqymdy mal basyn ósiretin sharýashylyqtarǵa: 1) tıisti tuqym boıynsha Respýblıkalyq palatanyń nemese Respýblıkalyq palata usynǵan zańdy jáne jeke tulǵalardyń ǵylymı jáne/nemese konsaltıngtik súıemeldeýi týraly shartynyń túpnusqasy jáne kóshirmesi. 2) óziniń ónimdiligi boıynsha qoldan uryqtandyrý kezinde jáne urpaǵynyń sapasy boıynsha synalǵan asyl tuqymdy tuqymdyq buqalardyń uryǵymen analyq mal basyn qoldan uryqtandyrýdy qoldaný boıynsha (etti mal sharýashylyǵynda); urpaǵynyń sapasy boıynsha synalǵan asyl tuqymdy tuqymdyq buqalardyń uryǵymen 100 % analyq mal basyn qoldan uryqtandyrý (sútti mal sharýashylyǵynda) boıynsha jazbasha mindettemesi. Tuqymdyq túrlendirýge qatysatyn taýarly tabyn úshin: - zootehnıkalyq talaptarǵa sáıkes asyl tuqymdy tuqymdyq buqalardyń bolýy olardy óz tólin ósirý úshin paıdalaný jáne rotatsııalaý (30 bas analyq mal basyna 1 buqadan kem bolmaýy, buqany qatarynan 2 shaǵylystyrý kezeńinen artyq paıdalanbaý)
3.	Taýar óndirýshilerdiń tuqymdyq buqalardyń baǵalanǵan uryqtaryn satyp alýy jáne embrıon telýi	1. Maldardyń belgilengen úlgidegi sáıkestendirý nómiriniń bolýy jáne olardy AJS-ǵa tirkeý 2. Asyl tuqymdy mal basynyń ASJ-de bolýy 3. Ónimge berilgen asyl tuqymdy kýáliktiń túpnusqasy jáne kóshirmesi (tuqymdyq-buqalardyń uryǵy, embrıondar) 4. Veterınarlyq sertıfıkattyń túpnusqasy jáne kóshirmesi 5. Tuqymdyq buqalardyń uryǵyn embrıondardy telýde qoldaný týraly akti. 6. Tóldi ákelý týraly akt/ tóldeý jýrnalyna tirkeý jáne alynǵan tóldi ósirý 7. Alynǵan tóldi ASJ-da jáne AJS-da tirkeý
4.	Jeke qosalqy sharýashylyqtardaǵy mal basynan quralǵan, jalpy tabyndy shaǵylystyrýǵa paıdalanatyn asyl tuqymdy etti baǵyttaǵy tuqymdyq buqalardy kútip-baǵý	1. Etti baǵyttaǵy asyl tuqymdy tuqymdyq buqanyń asyl tuqymdy kýáliginiń túpnusqasy jáne kóshirmesi 2. Asyl tuqymdy tuqymdyq buqanyń veterınarııalyq sertıfıkatynyń túpnusqasy jáne kóshirmesi 3. Jeke qosalqy sharýashylyqtardaǵy mal basynan quralǵan jalpy tabynda - osy bekitilgen asyl tuqymdy buqalardy bekitý jáne paıdalaný boıynsha eldi meken turǵyndarynyń tıisti aýyldyq okrýg ákimi rastaǵan jınalys sheshimi. 4. Zootehnıkalyq normatıvterge sáıkes asyl tuqymdy buqalardyń bolýy olardy paıdalaný jáne almastyrý (30 bas shaǵylystyrý kontıngentine 1 buqadan kem bolmaý, buqany qatarynan 2 shaǵylystyrý kezeńinen artyq paıdalanbaý)
5.	Taýar óndirýshiler ete-enelik, ata-tektik nysandaǵy tabyndy ustaıtyn otandyq asyl tuqymdy qus fabrıkalarynan etti jáne jumyrtqa baǵytyndaǵy asyl tuqymdy táýliktik balapandar men asyl tuqymdy jumyrtqa satyp alý	1. Satyn alynǵan asyl tuqymdy táýliktik balapandarǵa jáne asyl tuqymdy jumyrtqaǵa berilgen Qazaqstan Respýblıkasynyń ýákiletti memelekettik organdarymen tanylǵan asyl tuqymdy kýáliktiń túpnusqasy jáne kóshirmesi. 2. Veterınarııalyq sertıfıkattyń túpnusqasy jáne kóshirmesi 3. Asyl tuqymdy ónimdi satyp alý-satý jónindegi sharttyń túpnusqasy jáne kóshirmesi 4. Tólem qujattarynyń kóshirmeleri - kiris kassalyq orderi nemese shartty 100%-dyq óteýdi dáleldeıtin banktiń tólem tapsyrmasy 5. Asyl tuqymdy jas tóldi kiriske alý aktisi (nemese taýar óndirýshilerdiń karantındi alyp tastaý aktisi) 6. Torlyq jáne edendik baǵyp-ustaý úshin tehnologııalyq qural-jabdyqtardyń bolýy
6.	Taýar óndirýshilerdiń otandyq asyl tuqymdy zaýyttardan nemese asyl tuqymdy sharýashylyqtardan otandyq baǵyttaǵy asyl tuqymdy jas tóldi satyp alýy.	1. Satyp alynatyn asyl tuqymdy tóldiń jasy shart jasasqan kezde mynadan aspaýy tıis: 1) qoılar: tusaqtar - 18 aıǵa deıin; qoshqarlar - 18 aıǵa deıin 2) jylqylar: baıtaldar - 3 jasqa deıin ; sáýrikter - 5 jasqa deıin. 3) túıeler: urǵashylar - 3 jasqa deıin; erkekter - 5 jasqa deıin. 4) shoshqalar: urǵashylar - 12 aıǵa deıin; erkekter - 14 aıǵa deıin. 5) maraldar: urǵashylar - 18 aıǵa deıin, erkekter - 24 aıǵa deıin. 2. Satyp alynǵan asyl tuqymdy tólge berilgen asyl tuqymdy kýáliktiń kóshirmesi jáne túpnusqasy. 3. Veterınarııalyq sertıfıkattyń túpnusqasy jáne kóshirmesi 4. Satyp alý-satý/lızıng shartynyń bolýy. Lızıng sharty boıynsha lızıng berýshiniń derektemeleri kórsetilgen negizgi bereshek boıynsha sýbsıdııalardy tóleýge málimdeme (tek qana lızıng sharty negizinde asyl tuqymdy jas maldy satyp alǵan jaǵdaıda); 5. Tólem qujattarynyń kóshirmeleri - kiris kassalyq orderi nemese shartty 100%-dyq óteýdi dáleldeıtin banktiń tólem tapsyrmasy 6. Asyl tuqymdy jas tóldi kiriske alý aktisi (nemese taýar óndirýshilerdiń karantındi alyp tastaý aktisi) 7. Alynǵan asyl tuqymdy analyq mal basyn tabyndy óz taıyn ósirý maqsatynda 2 jyldan kem emes ýaqyt koldanýy jónindegi jazbasha mindettemesi (buqalarǵa - 2 shaǵylystyrý maýsymynan kem emes)

Asyl tuqymdy mal sharýashylyǵyn

qoldaýǵa arnalǵan sýbsıdııalaý qaǵıdalaryna

3-qosymsha

«Bekitemin»

_______________ oblysy

Aýyl sharýashylyǵy basqarmasynyń

bastyǵy ___________ (T.A.Á., qoly, móri)

20__ jylǵy «__» ____________

Mal sharýashylyǵyndaǵy asyldandyrý isi jónindegi respýblıkalyq mal tuqymyn asyldandyrý ortalyǵyna, qostanaı jylqy tuqymy jónindegi asyl tuqymdy jylqy zaýytyna, etti qus sharýashylyǵy jónindegi asyl tuqymdy reprodýktorǵa 20__jylǵy ___________ aıy úshin tıesili bıýdjettik sýbsıdııalar týraly

(aı)

jıyntyq vedomost

Shyǵyndardyń baptary	Bıýdjet qarajatyn bólý smetasynda kózdelgen soma, myń teńge	Satyp alynǵan taýarlardyń (janýarlardyń), oryndalǵan qyzmetter men jumystardyń naqty kólemi	Jyl basynan beri tıesili soma, myń teńge	Jyldyń basynan bastap tólengen, myń teńge	Tıesili somanyń qaldyǵy, myń teńge	Tólenýge tıis, myń teńge
JIYNY

Mal sharýashylyǵy bóliminiń bastyǵy (jaýapty tulǵa) _____________________ (T.A.Á., qoly)

Býhgalter (jaýapty tulǵa) _____________________ (T.A.Á., qoly)