Úkimet ınflıatsııany baqylaý jónindegi keshendi is-sharalar ázirleýi qajet - Prezıdent
«Qazaqstandyqtardyń ál-aýqatyn arttyrý maqsatynda bizjalaqymen zeınetaqyny birneshe ret kóterdik. Biraq, ár ýaqytta baǵanyń baqylaýsyz ósýimen betpe-bet kelemiz. Birneshe jyl boıy joǵary ınflıatsııa ekonomıkamyzdyń basty problemasy bolyp otyr. Ol ekonomıkalyq jáne áleýmettik saıasattyń tıimdiligin tómendedi. Bul máselege núkte qoıatyn kez keldi. Baǵany jáne halyqtyń ınflıatsııalyq kútýlerin turaqtandyrý kerek», - dedi Májilis otyrysyna beınebaılanys arqyly qatysqan Qazaqstan Prezıdenti.
Memleket basshysy ınflıatsııany tómendetýdiń josparly jumysy júrgizilýi tıistigin basa aıtty.
«Maqsatty dálizi – 2025 jylǵa qaraı 3-4 paıyz. Úkimetke Ulttyq bankpen jáne Atameken palatasymen birlesip, ınflıatsııany baqylaý jónindegi keshendi is-sharalar ázirleý qajet. Ol ımportqa táýeldilikti, artyq deldaldyqty tómendetý jáne aqsha-kredıt saıasaty quraldary boıynsha is-sharalardy qamtýy tıis», - dedi Qasym-Jomart Toqaev.