Úkimet basshysy jumys kestesimen bólisti
«Qaı jerde bolsam da únemi sporttyq formada júremin. Ol jerde múmkindik bolsa, kúndelikti sportmen aınalysýǵa tyrysamyn», - dedi Úkimet basshysy BAQ ókilderimen kezdesýi barysynda.
Premer-Mınıstrdiń atap ótýinshe, kúndelikti saǵat 07:15-te QR Іshki ister mınıstri Erlan Turǵymbaevtyń baıandamasy aldyna keledi.
«Onyń baıandamasynan keıin Tótenshe jaǵdaılar mınıstr Ilınmen áńgimelesemin. Ol da menen erterek kelip, aqparattardy alady. Bul rette mınıstrlerge, orynbasarlaryma munandaı ýaqytta kel dep shart nemese ótinish jasaǵan emespin. Árqaısysy óz kestesine oraı kelip, júktemesine baılanysty jumys isteıdi», - dedi Asqar Mamın.
Úkimet basshysynyń jumys kestesi óte kesh aıaqtalady.
«Táýlik lezde óte shyǵady. Ótıkeni, túrli kezdesýler men jıyndar óte kóp. Biraq, uzaqqa sozylatyn jıyndardy unatpaımyn. Eger baıqsańyzdar, Úkimet otyrystarymyz 1 saǵattan ary sozylmaıdy. Úkimet otyrysynyń kúntártibindegi máselelerdi talqylaý úshin ary ketkende 1 saǵat qana bolady. Sondyqtan seısenbi kúni saǵat 9-dan 10-ǵa deıin Úkimet otyrysyn ótkizemiz. Odan keıin árkim óz jumysymen aınalysady. Bul ákimder úshin de óte yńǵaıly. Olar óz kestelerine saı jumys isteýge múmkindik alady, áriptesterimizge de yńǵaıly. Osyǵan oraı olar ózderiniń kestelerin túze alady. Barlyǵy erejeni biledi – 1 saǵattan aspaýy tıis, 45 mınýt bolý. Al eger artyq áńgimesiz jyldamyraq aıaqtaýǵa múmkindik bolsa, onda tipti jaqsy. Sol sebepti bizdiń jumys formatymyz osyndaı», - dedi Asqar Mamın.
