Úkimet azamattardyń zeınetaqy jınaǵyn paıdalaný múmkindigi boıynsha Prezıdentke usynys berdi
«Azamattardyń zeınetaqy qoryndaǵy jınaǵyn eskere otyryp, zeınetaqy jınaǵyn paıdalaný boıynsha Úkimet (Prezıdentke – avt.) kelesi usynystardy berdi. Mundaǵy negizgi qaǵıdat – zeınetaqy qoryndaǵy azamattardyń jarnalary, eń birinshi kezekte, zeınetaqylyq qamsyzdanýyna arnalǵan. Osyny eskerýimiz kerek. Sondyqtan eki usynys berdik. Jumys istep júrgen azamattardyń jınaǵy jetkilikti shekten asatyn bolsa (ıaǵnı, 30 jastaǵy azamattyń jınaǵy 6,7 mln teńgeden, 50 jastaǵy azamattyń jınaǵy 7,2 mln teńgeden, zeınet jasyna jetken azamattyń jınaǵy 8,2 mln teńgeden asqan jaǵdaıda – osy somadan asqan jınaqtyń bóligin) ol zeınetaqy jınaǵynyń bir bóligin ala alady. ıAǵnı, bul jerde bir nársege nazar aýdartqym keledi: jalpy, zeınetaqy anýıtetti belgileıtin soma men biz usynǵan somanyń aıyrmashylyǵy bar. Qazirgi jetkilikti soma – turǵyn úı alýda ár salymshynyń jasyna baılanysty bolýy kerek. ıAǵnı, mysaly, 30 jastaǵy azamat bolsa, onyń taǵy 33 jyl jınaýyna múmkindik bar. Mundaı azamattardyń sany 100 myńnan asady», - dedi Birjan Nurymbetov.
Mınıstr ekinshiden, zeınet jasyna jetip, zeınetaqylaryn alyp otyrǵan azamattar jınaǵynyń 50 paıyzyn alýyna bolatynyn aıtady.
«Bul jerde osy azamattyń bazalyq zeınetaqysy men memlekettiń tóleıtin yntymaqtyq zeınetaqysyn qosqan kezde onyń zeınetke shyqqan tabysynyń keminde 40 paıyzyn quraýy tıis. Bul – halyqaralyq eńbek uıymynyń ustanymy. Ondaı sanatta bizde 120 myńdaı adam bar. Osy eki tártipti Úkimet tarapynan usyndyq. Jetkilikti somadan artyq aqshany birinshi kezekte turǵyn úı máselesin sheshýge nemese qymbat turatyn emdeý máselesine, ne bolmasa jarnalaryn ınvestıtsııalaý úshin jeke menshik zeınetaqy jınaǵyn basqarý kompanııalaryna óz erkimen aýdarýǵa bolady», - dedi ol.
Mınıstr bul usynystar Úkimettiń janyndaǵy ekonomıkalyq keńeste talqylanyp, Úkimet atynan Prezıdentke usynys retinde berilgenin málim etti.