Ýımbldon: ıÝlııa Pýtıntseva juptyq synda ese jiberdi

ASTANA. KAZINFORM – Qazaqstandyq tennısshi ıÝlııa Pýtıntseva juptyq synda Ýımbldon týrnıriniń ekinshi aınalymyna shyǵa almady.

Qazaqstandyq tennısshi amerıkalyq Pıton Stırnspen birge alǵashqy aınalymda chehııalyq Barbora Kreıchıkova – Qytaılyq Taıbeı ókili Chan Haochınmen kezdesti.

Kreıchıkovanyń ótken jyly Ýımbldonda jekeleı synda chempıon atanǵany belgili. Sonymen qatar ol juptyq synda «Úlken dýlyǵa» dodalarynda jeti ret úzdik shyǵyp, Tokıo Olımpıadasynyń jeńimpazy atanǵan. 

ıÝlııa jekeleı synda bıyl sátsiz óner kórsetip, alǵashqy aınalymnan asa almaǵan bolatyn.

Tartysty órbigen birinshi sette taı-breıkte Kreıchıkova – Haochın sátti oınady – 7:6 (7:5). Ekinshi partııada olar 6:2 esebimen basym tústi.

Match saǵat jarymǵa jýyq ýaqytqa sozyldy. Osylaısha, ıÝlııa Pýtıntseva juptyq synda da jarys jolynan shyǵyp qaldy.

Eske sala keteıik, budan buryn Ýımbldonda Aleksandr Býblıktiń jarys jolynan shyǵyp qalǵanyn jazǵan edik.

Elena Rybakına alǵashqy qarsylasyn oısyrata jeńdi. 

Ýımbldonda alǵashqy aınalymda TOP-10-ǵa kiretin 8 tennısshi jeńilip qaldy.